Sa për njerëzit e dimë se gënjejnë njëri tjetrin, që nga lidhja më e afërt: Prindi fëmijën, fëmija prindin, vëllai vëllain, mafiozi mafiozin, bosi skllavin, etj. Por e njëjta, në fakt jo krejt njësoj, ‘gënjejnë edhe kafshët brenda llojit të tyre”, thotë biologu Eldridge Adams i Universitetit amerikan të Rochesterit. Kjo e ngushëllon njeriun, sidomos njeriun e species së politikanit.
Politikani e gjen edhe një herë mbështetjen populiste te njerëzit e inteligjencies së ulët me të cilët rri, flet, përfiton e shin lëmin. Tani e kuptoj më mirë pse qindra militantë të PD që ka ‘Rithemelimin’ si nickname, të dielën e kaluar, mbushëm qindra kuti me vota. Dikush aty bëri humor: “Deri tash kena votu ‘një anëtar- një votë’ e ia këna fut kot. Tash po votojmë ‘një anëtar- njëzet vota”… Kjo ka ndodhur përherë; por pse e sollëm këtu duke e krahasuar me sjelljen e kafshëve? Sepse është e njëjta vijë: Njeriu, në këtë rast- militant i PD, mbush kutinë e votimit për kryetar, e mbush kur nuk ka pikë nevoje që ta bëjë këtë.
Kryetari i ri i PD, Sali Berisha, i ka të sigurta qind për qind të votave brenda PD, përjetësisht të sigurta, edhe kur të mos jetë më në jetë. Kjo është PD, instinktive, njësoj si qeniet që studion biologu Adams në ‘Jurnal Theoretical Biology’, kur thotë se brenda një specieje të vetme, është e mundur që disa anëtarë të mashtrojnë të tjerët.”. Po pse të mashtronin anëtarët e PD disa anëtarë të tjerë, ose edhe vetë kryetarin e përjetshëm të sektit PD? Kjo është çështja. Sepse arrin dy objektiva: Duke mashtruar me numrin e fletëve të votimit, anëtarët e PD fryhen dhe u mbushet mendja se janë ‘parti e madhe’ me mijëra votues. Arsyeja e dytë: Kryetari kur ta marrë vesh se ti në seksionin tënd ke sjellë 112 për qind votues, ai buzëqesh vesh më vesh dhe të mban mend për mirë. Kjo është e gjitha, pavarësisht se më vonë mashtrimi mund të ketë efekt shkatërrimtar. Ndërsa me kafshën nuk ndodh kështu, te kafsha ka o më shumë ndershmëri, o më shumë mençuri për të mos e pësuar nesër nga mashtrimi i sotëm. Më së shumti mes atyre krijesave, gënjeshtra sajohet nga kafshët e dobëta, kur ndjehen në vend të ngushtë. Madje edhe këto, sikur ta tepronin me mashtrimin, do të bëheshin të pabesueshme për të tjerat.
Këtu hapet një hendek shumë i madh dallues mes tyre dhe njerëzve. Mes njerëzish, ai që mashtron më shumë, është jo i dobëti, por i forti. Teksa anëtarët e PD mashtrojnë liderin e tyre të përjetshëm, kjo është veç një kënaqësi e liderit dhe një ‘send i vogël’ para mashtrimit gjigand të të fortit. Kryetari i sapo zgjedhur për të njëmijtën herë në PD, i ka gënjyer të tijtë më shumë se aq herë sa është zgjedhur. I ka gënjyer kur ka bërë si ‘i thjeshtë sa populli’, duke e mbajtur shtëpinë në rrugën e Brrakës; i ka gënjyer kur iu ka thënë se ‘jam i ndershëm’; i ka gënjyer kur iu ka thënë se ‘dhashë dorëheqjen’; i ka gënjyer militantët e vet kur i armatosi dhe i nisi nga Veriu në Jug për të luftuar kundër rebelëve të Jugit. Në çdo hap i ka gënjyer, madje edhe kur iu tha se ‘paratë e naftës për Milloshevicin po i depoziton në firmën ‘Shqiponja- PD’, ajo ishte ‘Pula- Berisha’, që solli vezë vetëm për familjen e tij. Më në fund i gënjeu këta të llojit të vet (si në specien e kafshëve) kur u tha ‘Votoni për mue, se ju ngjis në pushtet!’. Bullshit! Gënjeshtra është e hapur, por militantët e të njëjtit lloj hapin gojën nga kënaqësia. Nuk ka asnjë shans që PD e Berishës të fitojë pushtet.
Mungojnë të gjitha mundësitë, përveç gënjeshtrës. PD e Berishës nuk është ende e ligjshme, e si mundet. Nuk e voton populli shqiptar që nuk është i kësaj ‘specieje’. Traumat që ka shkaktuar emri i bashkëngjitur ‘BerishaPD’ janë akoma të frikshme. Pastaj, më e fundit dhe më e rëndësishmja, SHBA dhe BE kanë deklaruar se ‘kurrë nuk bashkëpunojnë’ me një grup ku ndodhet Berisha. Më parë se të vinin ‘zgjedhjet’ në PD, Berisha i kishte mashtruar ata të llojit të vet; u kishte thënë se ‘Amerika ia ka futur kot…, çështjen do ta fitoj në Paris’. Po të ishte zhvilluar e gjithë kjo lojë mes kafshëve të dobëta dhe kafshëve të forta, prej kohësh mashtrimit do t’i kishte dalë boja.
Bernd Fisher, historian amerikan, ashtu si edhe biologu Adams i Amerikës, tha më në fund se sekretari i Shtetit nuk ndodh që të marrë vendime si të ‘qenies së dobët’. Në këtë rast Berisha është ‘kafsha e dobët’ para Amerikës dhe gënjen pa ‘gjemb në këmbë’. I solla të krahasuar të dy studiuesit, Fisher dhe Adams, për të përafruar mashtrimin në dy speciet: Kafshët dhe Njerëzit. Njerëzit, ja që gënjejnë më shumë.
Komente
Lajme të tjera
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ylli Pata: E marta e kiametit...
23 Nëntor, 19:52
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35
Eh more Frrok Cupi ky popull vetem Marsin e vit it 1997 te mbaj emend mire , asht mjaftueshem qe ti hi qen emri nga politika plakut Mere , mendje kthjellet dhe dore te hekurt Nuk u lodhe per 32 vite bravoooo ti si gjithmon ti me pene e Saliu me Arne.
Përgjigju