Rama për prestigjiozen italiane 'La Stampa': Fati i Shqipërisë është në BE, pengesat vijnë nga Brukseli! E ardhmja e Ballkanit, puna dhe jo populizmi

“Nuk ka rrugë tjetër për Shqipërinë përveç integrimit Evropian. Kjo gjë është në interes edhe të vetë Brukselit”, është shprehur kryeministri Edi Rama në një intervistë për La Stampa. 

Rama ka folur për prestigjiozen italiane nga Firence, ku ishte dje për një të marrë pjesë në konferencën online me temë "Europa një botë që po ndryshon".

Kryeministri shqiptar Edi Rama u shpreh se procesi i anëtarësimit të vendit në BE po ecën me hapa të ngadaltë, për shkak të pengesave nga disa vende anëtare dhe kërkoi ndihmën e Italisë, për të tejkaluar këto pengesa.

«Ne jemi duke realizuar me sukses reformat e kërkuara nga ne, reforma në drejtësi është një nga ato arritje që duhet vlerësuar edhe pse jemi ende në mes të rrugës”, tha Rama.

Duke theksuar se ende është e pamundur të parashikosh sesi do të ecë rruga e integrimit btë vendit, për shkak edhe të vetë reformit të brendëshëm të vetë BE-së.

 “ Është më lehtë të parashikosh që Sassuolo do të shpallet kampion i Italisë , për të mos përmendur një skuadër të madhe si Juventusi që aktualisht po vuan sesa të vësh bast për të ardhmen e Evropës. Por sigurisht, BE-ja është një krijimi i pambaruar , është ende në progres ”, është shprehur kështu kryeministri shqiptar Edi Rama, i cili aktualisht gjendet në Itali, si mysafir i konferencës " The state of Union " në Firence.

Rama në intervistën e tij theksoi se ardhmja e Ballkanit është puna dhe jo populizmi, duke mbështetur edhe njëherë fuqimisht iniciativa të tilla si Minishengeni Ballkanik.

"Status quo në Ballkan nuk është e qëndrueshme.  Ne në Ballkanin Perëndimor jemi demokraci të reja, do të thoja adoleshentë, të cilët duhet të rriten dhe të demonstrojmë se jemi  të besueshëm. Aktualisht hapa ynë më i besueshëm është zhvillimi sa më i shpejtë i një hapësire Ballkanike Shengen, që lejon qarkullimin e lirë  të mallrave, shërbimeve dhe njerëzve,  për ta bërë më konkurrues tregun e shteteve të vogla”, deklaroi kryeministri.

I pyetur për influencën turke dhe kineze në Ballkanin perëndimor, Rama e ka vlerësuar ndihmën e presidentit Erdogan në përballimin e krizën shëndetësore të shkaktuar nga COVID-19.

«Fatmirësisht presidenti i Erdogan na dha ndihmë për të dalë nga kjo krizë e rëndë shëndetësore. Në fazën e parë të pandemisë, BE na braktisi dhe ne mbetën të izoluar. Ne kemi kontaktuar me forcat tona me Pfizer, fillimisht me një udhëtim në Neë York si rrugëdalje për ne nga errësira, pastaj me AstraZeneca dhe së fundmi me Sinovac në Turqi . Kemi arritur vaksinojmë deri në 25 mijë doza në ditë".

 

Intervista e Plotë për La Stampa

"Është më e thjeshtë të parashikosh që ”Sassuolo” do të shpallet kampione e Italisë, për të mos përmendur një emër të madh si ”Juventusi”, që tani po vuan, sesa të vësh një bast për të ardhmen e Europës. Por, sigurisht, BE-ja është një krijesë e ende e papërfunduar, ajo është ende një punë për t’u mbaruar," thotë kryeministri, Edi Rama i cili ndodhet në Itali, i ftuar në Firence për konferencën “The State of Union”, në një intervistë dhënë për Letizia Tortellos për gazetën e njohur italiane ”La Stampa”.

Dhe nga kjo pjesë e Adriatikut, i sapo rikonfirmuar për mandatin e tretë, Rama pretendon urgjencën e hapjes së negociatave me 27-shen për t’u bashkuar me Unionin, të cilin ai e përshkruan, si , “gjithnjë e më shumë të ballkanizuar”. Si për të theksuar se kësaj here rolet janë ndërruar.

Kryeministri Rama, 30 vjet më parë bashkëqytetarët tuaj mbërritën në brigjet italiane me anije të mbipopulluara si ”Vlora” duke ëndërruar të punonin si punëtorë në ndërmarrje ose në kantieret e ndërtimit. Sot kemi profesionistë, të diplomuar, mjekë dhe pjesën më të mirë të rinisë që emigrojnë nga Tirana. A është fati i vendit tuaj për t’u bashkuar me BE?

”Ne e shikojmë Italinë si Shqipërinë e së nesërmes. Për ne Europa është një fe dhe nuk ka asnjë zonë tjetër të ndikimit në fatin tonë europian, të cilin e kemi pritur me shekuj. Para vitit 1990 nuk mund ta ëndërronim këtë gjë. Tani, ne mund ta zgjedhim atë. Populli ynë ndihet europian. Për fat të keq, kriza e refugjatëve ka ndryshuar BE-në për keq dhe tani Brukseli vazhdon të shtyjë negociatat, pasi vendimi është marrë, për shkak të oportunizmit nacionalist dhe egoist të disa vendeve”.

Negociatat janë ndërprerë gjithashtu sepse ju jeni seriozisht mbrapa me reformat e kërkuara: korrupsioni, spastrimi i gjyqësorit dhe liria e medias.

”Ne jemi duke bërë detyrat e shtëpisë si duhet. Reforma në drejtësi është një proces për t’u duartrokitur, ne jemi në gjysmën e rrugës. Ju nuk mund të kërkoni nga një atlet që të bëjë një operacion, të shërohet dhe pastaj të vrapojë 100 metrat në të njëjtën kohë. Rregullat europiane janë një makinë vdekjeprurëse që vlerëson kufij që shpesh nuk do të kënaqnin as shtetet anëtare. Nëse Zvicra ose Italia do të quheshin Shqipëri ose Kosovë, mbase nuk do të lejoheshin të futeshin në Europë sot, duke pasur parasysh korrupsionin dhe reformat që do të zbatoheshin”.

Po akuzoni Bashkimin Europian për vënie pengesash?

“Unë them se kjo histori është paksa qesharake, që ne kurrë nuk qenkemi gati për bisedime paraprake për të filluar procesin e integrimit. Është shumë e lehtë dhe e përshtatshme të gjuajmë me gurë ndaj atyre që janë jashtë derës. Por, nuk ka asnjë fat tjetër për Shqipërinë përveç Europës. Kjo i shkon për shtat edhe Europës”.

BE po lufton aktualisht për të gjetur orientimin duke parë ”perëndimin” e Merkelit në Gjermani. Kush është sponsori juaj tani?

“Italia është aleatja jonë më e madhe dhe më besnike. Kancelarja ishte ndoshta personi që e njihte më mirë situatën në Ballkan, madje edhe presidenti Macron ka bërë shumë. BE po përjeton shumë kontradiktatë brendshme, pandemia mund të ishte rasti për të filluar rrugëtimin të gjithë së bashku. Në vend të kësaj, ajo nxori në pah mospërputhjet dhe interesat kombëtare. Dhjetë vjet më parë, kur erdhi puna për integrimin e Ballkanit, ne ishim si gjëmbaçët në kopsht. Tani jemi dëshmitarë të një ballkanizimi të Europës. Na thoni “të dua, por nuk jam gati të martohemi”. Të kuptohemi, është e ligjshme që ka vende që kundërshtojnë zgjerimin, pa diskutim”.

26 vjet pas Marrëveshjes së Dejtonit, po shfaqen projekte sekrete për të ridizajnuar Ballkanin. Një rrezik apo një mundësi? Shqipëria, në këtë rast, do ta integronte Kosovën.

“Statusi quo-ja nuk është e qëndrueshme. Si u krijua ky ekuilibër i pasigurt, unë nuk e di. Unë nuk besoj në një ‘deus ex machina’ që do të na drejtojë drejt një rendi të ri. Ne në Ballkanin Perëndimor jemi demokraci të reja, do të thoja adoleshente, që duhet të rriten dhe të provojnë se janë të besueshme. Diskutimi i vetëm i besueshëm aktualisht është krijimi i një zone ballkanike Schengen, që do të lejojë qarkullimin e mallrave, shërbimeve dhe njerëzve, për ta bërë konkurrues tregun e shteteve të vogla dhe të izoluara. T’u japim punë të rinjve tanë dhe të mos ushqejmë fyerje, populizëm idiot dhe të rrezikshëm”.

Ju shihni drejt BE-së, por Kina dhe Turqia kanë gjithnjë e më shumë ndikim në Shqipëri ashtu si në Maqedoninë e Veriut. Vaksinat janë një shembull i tillë.

”Për fat. Presidenti Erdogan na dha dorën për të dalë nga një krizë e rëndë shëndetësore. Në fazën e parë të pandemisë, BE na braktisi dhe na izoloi. Me forcat tona, ne kontaktuam së pari Pfizer duke u nisur drejt së panjohurës ​​në Nju Jork, pastaj AstraZeneca. Më në fund, fabrika e Sinovac në Turqi, që hapi dritën jeshile për eksport. Ne gjithashtu kemi Sputnik V. Ne bëjmë rreth 25 000 vaksina në ditë për me 2,8 milionë banorë”.

A po planifikoni paketa turistike Covid-free për turistët për verën? Shumë italianë kanë populluar brigjet tuaja vitet e fundit.

”Nëse vaksinimet vazhdojnë kështu, ne do të kemi një verë të shkëlqyer pa asnjë kufizim. Ne jemi duke imunizuar stafet e hoteleve, ne jemi një vend i lirë dhe i sigurt. Italianë, po ju presim!”

/r.k./Shqiptarja.com

TAG:
• edi rama
• BE
• itali
• integrimi ne be
• la stampa