POP 5

Lajmet më të lexuara të 5 minutave të fundit

Sport

Edicioni i 6-të Ndërkombëtar të shahistëve frankofonë, Veliaj: Sporti të futet në shkolla, mundësi fantastike për të rinjtë

I pranishëm në Edicionin e 6-të Ndërkombëtar të shahistëve frankofonë, Erion Veliaj ka bërë me dije se në bashkëpunim me Federatën Kombëtare të Shahut, do të hartojë një program për zhvillimin e sportit të shahut për të gjitha shkollat e Tiranës.
Edicioni i 6-të Ndërkombëtar të shahistëve frankofonë, Veliaj: Sporti të futet në shkolla, mundësi fantastike për të rinjtë

Erion Veliaj gjatë edicionit të 6-të Ndërkombëtar të shahistëve frankofonë

Kreu i Bashkisë së Tiranës, Erion Veliaj i pranishëm në Edicionin e 6-të Ndërkombëtar të shahistëve frankofonë ka bërë me dije se në bashkëpunim me Federatën Kombëtare të Shahut, do të hartojë një program për zhvillimin e sportit të shahut për të gjitha shkollat e Tiranës.

Është shumë mirë që të rinjtë po merren me sporte fizike, me basketboll, futboll, volejboll, por edhe sporti i mendjes është po aq i rëndësishëm. Ndaj, mezi pres që, bashkë me presidentin Shalsi, të hartojmë një program për të gjitha shkollat tona, si një mundësi fantastike për të rinjtë, të ndjekin kurse shahu në shkollat komunitare.

Erion Veliaj, kreu i Bashkisë Tiranë

Patrick Van Hoolandt, Presidenti i Shoqatës Ndërkombëtare Frankofone të Shahut, vlerësoi mikpritjen dhe organizimin e këtij aktiviteti në Tiranë. Ai theksoi se të gjithë shahistët janë të kënaqur për faktin se kanë zbuluar një vend të mrekullueshëm.

Falenderoj qytetin e Tiranës për mikpritjen e rezervuar në edicionin e 6-të ndërkombëtar te shahistëve frankofonë. Organizimi është i përkryer. Federata shqiptare e shahut paraqiti një ekip të fortë. Po ashtu, gjatë kësaj kohe, organizuam edhe ekskursione të ndryshme për të vizituar e njohur vendin. Të gjithë shahistët u shprehën vërtet të kënaqur për faktin se kanë zbuluar një vend të mrekullueshëm.

Patrick Van Hoolandt, presidenti i Shoqatës Ndërkombëtare Frankofone të Shahut

Në tre vitet e fundit Tirana është kthyer në një qendër të rëndësishme për organizimin e aktiviteteve të ndryshme sportive, jo vetëm kombëtare, por edhe atyre ndërkombëtare.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Trump do të blejë Grenlandën, Danimarka rrit shpenzimet për mbrojtjen e ishullit

Trump do të blejë Grenlandën, Danimarka rrit shpenzimet për mbrojtjen e ishullit

25 Dhjetor, 14:06