I ra Ferrit mjatas, djathtas, para, mbrapa, lart, poshtë, diagonalisht, kryqetërthor, rrethepërqark. S'la zgëq pa ja parë. S'la qosh pa ja ndjerë. S'la hile pa ja nxjerrë. S'la sekret pa ja zbuluar. S'la torturë pa ja vuajtur.
S'mbeti budalla pa e përgojuar.
S'mbeti analfabet pa i vënë në dukje gabime në stil dhe përmbajtje.
S'mbeti mediokër pa e mësuar si duhej të shkruante perfeksionistin e tekstit.
S'mbeti burokrat partie pa e kërcënuar për gabime ideologjike, pa i treguar hekurat, prangat, burgun.
S'mbeti injorant pa e kritikuar. Atëhere për vigjilenca, ideologjira, të munguara. Sot për kodra mbas bregut.
S'ju tut aspak, as atyre, as këtyre, dhe askujt tjetër.
E çorrën, e ropën, e baltosën, e grisën, e kafshuan, turlilloj qensh e zagarësh. S'lëvizi nga llogorja.
Analfabetët që s'kishin lexuar asgjë iu vërsulën me kritika dhe këshilla nga më absurdet, nga më halucinantet. S'u tund nga istikami
Nga kooperativistat, traktoristat, proletarët, stakanovistat, fituesit e garave, mbajtësit e yllit, valavitësit e Flamurit, shtruesit e rrogozit, puthadorët, këpucëlëpirësit, ushtarët, detarët, marinarët, toksorët, ajrorët, të gjallët, të vdekurit, deri te akademikët e thekur, e qortuan pafundësisht për mungesë vigjilence, mos zbatim të Luftës së Klasave, ujë në mullirin e armikut etj. etj. etj. S'ja bëri tërr syri.
Rrenat dhe intrigat që ja thurën ziliqarët, s'patën të krahasuar me ato të Mesjetës. S'pordhi asnjërin. I bëri pluhur e hi të gjitha.
Aleancën më të qelbët mes Sigurimistave dinakë dhe të vuajturve budallenj e mëshiroi dhe dënoi si e meritonte, me heshtje.
E goditën me gjyle balte në mbledhje kolektivi. E ndotën mbi rrroba. I pastroi me një të shkundur.
J'u vërsulën me plumba dhe bomba nëpër plenume. Artileritë e tyre qesharake, mbi veprën kolosale, nuk bënë asnjë efekt. Talli dhe përbuzi artilierët e llumeve dhe plenumeve.
Në veprën oqeanike nuk ka absolutisht asgjë autoreferenciale. Shkroi milione e miliona fjalë. Dhe atë që llapaqenat e kanë të tretën fjalë -unë - nuk e shkrojti kurrë. Asnjëherë të vetme.
Ta shaje ishte meritë që duhej të kishe paturpësinë ta bëje.
Ta lëvdoje ishte rrezik që duhej ta përballoje.
Edhe më të qelbtit, edhe më të neveritshmit, edhe më rrezikshmit, nuk gjetën dot kurrë diçka të besueshme, diçka faktike, diçka objektive, diçka bindëse, sado të vogël, sado të imët, sado të largët, për ta goditur.
S'ja ndërtojmë dot një kishë a një tempull të madh e të lartë sa e meriton, se e vjedhim pa e filluar.
S'ja ngremë dot një shtatore prej floriri, se floriri na duhet për unaza nëpër gishta dhe zinxhira nëpër qafa.
Nga tërë kjo zhurmnajë pa pikë kuptimi, pa presje çlodhëse, pa pikpyetje frike, vetëm me pikçuditse të pafundme, iku të çlodhet pak.
Komente
Lajme të tjera
-
Dita e Alfabetit/ Arkivat ekspozojnë 'Dorëshkrimet e Kadaresë' në Shkup
22 Nëntor, 14:52 -
Edison Ypi: E theri Doktori
22 Nëntor, 13:37
-
Edison Ypi: Paret e vjedhura
18 Nëntor, 15:37
-
Intervista për Report Tv/ Libri me tregime, Helena Kadare rikthehet si shkrimtare: E shkruara për mua është si terapi pas humbjes së Ismailit
15 Nëntor, 15:33
-
Ekspozohen për herë të parë dorëshkrimet e Kadaresë, 44 488 faqe shpalosen në Bibliotekën e Kryeministrisë! Krijime që prej moshën 11-vjeçare
15 Nëntor, 09:40 -
Edison Ypi: Stalin Kurti ftohu motin
13 Nëntor, 14:15
-
Edison Ypi: Një kurvar për President
7 Nëntor, 14:49
-
Edison Ypi: Versioni më i mirë i vetes
3 Nëntor, 15:37
-
Edison Ypi: Mish Gjyshit
31 Tetor, 15:03
-
Edison Ypi: Tavlla centrifugale
27 Tetor, 13:21
-
Rikthehet në TKOB “Plaga e dhjetë e Gjergj Elez Alisë”, shfaqja bën bashkë emrat e Ibrahimit, Kadaresë dhe Aliajt
24 Tetor, 16:37
-
Edison Ypi: PD sot
24 Tetor, 12:09
Burre Inteligjent,Shkrimtar i mrekullueshem,I pasvdekshem Kadaré !!!!Le ta shajne sa te duan ,shajne vehten!!!!Ai emrin Shqiptar dhe te Shqipetareve e ngriti ne Piedestal !!!
PërgjigjuTe lumte ajo dore qe bere nje pershkrim kaq madhor e perrallor per te madhin, gjeneral te Letersise! Jemi me fat qe jetuam per disa vite me te ne epoken e tij!
PërgjigjuHallall universiteti i Qfa Barit-Spaci".
PërgjigjuShume bukur, bravo, se kur lexojme lloj, lloj komentesh per veprt e te madhit Ismail Kadare, nga njerez qe besoj se kane haberin fare nga letersia, ste mbetet gje tjeter te thuash, Po si nuk respektojne keta njerez dhe diten e mortit!!!
PërgjigjuThjeshte e shkelqyer
PërgjigjuNga tërë kjo zhurmnajë pa pikë kuptimi, pa presje çlodhëse, pa pikpyetje frike, vetëm me pikçuditse të pafundme, iku të çlodhet pak.
PërgjigjuMë bukur se kaq nuk mund të përshkruhet Ismail Kadare.
PërgjigjuThank you
Përgjigju