Eduard Ndocaj ka surprizuar me një deklaratë të pazakontë për një mashkull 'hijerëndë' dhe të pushtetshëm si ai. I ftuar në emisionin "Top Shoë" Ndocaj tha se i ka rastisur shpesh të bëjë punë shtëpie.

 "Më ka qëlluar disa herë të lajë edhe enët dhe s`e kam patur fare problem, madje po e them dhe publikisht" - është shprehur ai. Ndërsa diskutonte rreth rolit të femrave dhe meshkujve me ish-finalisten e BBA, Alba Çobaj, deputeti nga Lezha foli për shembullin që jep ai në familje. 

"Në shtëpinë tonë nuk jam unë ai që komandon, por ka hapësirën e saj edhe bashkëshortja madje hera-herës e ndihmoj dhe unë atë"- ka pohuar ai. Kaubojsi shtoi më tej se shkollimi i gruas së tij apo profesioni që ajo ushtron, ndikon edhe në pavarësinë e saj.

"Secili i ndërton vetë raportet"- përfundoi Ndocaj duke nënkuptuar se është mjaft liberal në marrëdhënien bashkëshortore.
eduard ndocaj
Redaksia Online
(m.p/shqiptarja.com)