POP 5

Lajmet më të lexuara të 5 minutave të fundit

Opinion

Eduard Zaloshnja: Kur vagonat shtyjnë lokomotivën

Në të gjitha sondazhet që kam publikuar pas zgjedhjeve të vjetshme të 14 majit, kam konstatuar një rregullësi statistikore tejet të qendrueshme: Votuesit për PD-në kanë qenë vazhdimisht më të shumtë se ata që simpatizojnë Berishën ndër politikanët kryesorë këtu.

Eduard Zaloshnja: Kur vagonat shtyjnë lokomotivën

Në të gjitha sondazhet që kam publikuar pas zgjedhjeve të vjetshme të 14 majit, kam konstatuar një rregullësi statistikore tejet të qendrueshme: Votuesit për PD-në kanë qenë vazhdimisht më të shumtë se ata që simpatizojnë Berishën ndër politikanët kryesorë këtu. Nga ana tjetër, votuesit për PS-në kanë qenë vazhdimisht më të paktë se ata që simpatizojnë Ramën ndër politikanët kryesorë këtu.

Fenomeni statistikor Rama-PS (Rama si lokomotivë dhe PS-ja si vargu i vagonave pas tij) ka të bëjë njëfarësoj me kultin e individit që vazhdon të mbijetojë në trojet arbnore. Ndërsa deficiti i Berishës ndaj partisë së tij ka rrënjë 34-vjeçare (plot me ulje-ngritje), dhe përbën një problem të madh elektoral për të.

Historia e zgjedhjeve në vendet demokratike na tregon se kanë qenë fare, fare të rralla rastet kur zgjedhjet i fiton partia e një udhëheqësi me përkrahje më të vogël se sa për partinë e tij. Kurse në situatën aktuale në Shqipëri, nuk bëhet fjalë për fitore të Berishës – bëhet fjalë vetëm nëse PD-ja do t’i afrohet humbjes dinjitoze të Bashës më 2021.

Mesatarja e sondazheve që kam publikuar pas zgjedhjeve të vjetshme të 14 majit e vendos Berishën rreth kuotës 26.5%. Nga ana tjetër, kuotat e votave për PD-në janë rrotulluar rreth 30%. Pra, vagonat shtyjnë lokomotivën demokrate…

Me një kuotë 30% në votën popullore, PD-ja mund të jetë sot rrotull 33% të mandateve parlamentare (sepse formula e llogaritjes së mandateve përfshin vetëm partitë që nuk janë tejet të vogla). Për krahasim, në zgjedhjet e fundit parlamentare (më 2021), PD-ja dhe aleatët e saj (LSI, PR, PDK etj. etj.) morën 45% të mandateve parlamentare (63 nga 140 gjithsej).

Sesi do të konfigurohet tamam parlamenti i ri mund të varet nga partitë e reja që do të futen në mes të PS-së dhe PD-së. Sidoqoftë, sondazhet deri më sot tregojnë se treni i Ramës është i pakapshëm nga ai i Berishës!

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

27 Nëntor, 21:51 nga Xhensila Nako