Kur caktoi drejtuesit politikë nëpër qarqe, Rama deklaroi se, me pjesëmarrjen për herë të parë në zgjedhje edhe të emigrantëve, PS-ja e vetme duhet të shkojë deri tek 1 milion votat (krahasuar me 800 mijë votat e këtushme që ka marrë zakonisht së bashku me parti të vogla aleate). Gjithashtu, ai ka deklaruar se PS-ja e ka mundësinë të sigurojë të paktën 84 mandate në zgjedhjet e 11 majit 2025.
Nga sondazhet e qarqeve që prezantova parmbrëmë në Report TV rezultoi që, nëse zgjedhjet do të ishin zhvilluar para Krishtlindjes, PS-ja do të kishte siguruar e vetme 80 mandate. Ndërsa nga një ekstrapolim i përafërt i përqindjeve në qarqe, rezultonte se për PS-në ishin gati të votonin rreth 1 milion zgjedhës – rreth 700 mijë këtu dhe rreth 300 mijë nga jashtë.
Megjithëse në pamje të parë duket sikur objektivi i 1 milion votave është arritur qysh sot, ai është më i vështiri për t’u materializuar më 11 maj (krahasuar me objektivin e 84 mandateve).
Dhe ja përse:Teksa mundësia është e madhe që votat e këtushme të shtohen me nxehjen e fushatës (mund të shkojnë nga rreth 700 mijë sot për PS-në, në rreth 800 mijë më 11 maj), materializimin e votave të emigrantëve nga e thëna në të bërë e ndan një det i tërë…
Kështu, dikush në emigracion mund përgjigjet sot në sondazh se do të votjë për PS-në, por që ta bëjë vërtet këtë gjë duhet fillimisht të regjistrohet në aplikacionin elektronik të KQZ-së, pastaj të marrë prej saj fletën e votimit, ta plotësojë dhe të shkojë në postë që ta postojë. Nuk është njësoj si të dalësh në mëngjes nga shtëpia këtu ditën e zgjedhjeve, dhe të shkosh tek shkolla e lagjes për të votuar…
Me pak fjalë, 1 milion votat gjithsej për PS-në më 11 maj duken një objektiv i vështirë.
Sa i përket mandateve, edhe pse sot PS-ja ka vetëm 80 mandate (sipas sondazheve të sipërpërmendura në qarqe), mundësia për të arritur 84 mandate në 11 maj është e madhe. Arsyeja pse PS-ja nuk i arrin qysh sot 84 mandatet është se partitë e reja dalin me 12 mandate gjithsej në sondazhet në qarqe. Por historia elektorale na tregon se partive të reja u firojnë votat kur vjen dita e zgjedhjeve. Dhe mandatet hipotetike që u dalin atyre në sondazhe në muajt para zgjedhjeve thjesht mund të firojnë, duke u shkuar kështu dy partive të mëdha në ditën e zgjedhjeve…
Komente
Lajme të tjera
-
Zgjedhjet e 11 majit/ Ambasadori italian: Situata shumë konfliktuale, fushata të jetë me fakte e programe! Qeveri teknike? 'Vendos politika'
10 Janar, 11:21
-
Majko paralajmëron përballje të fortë elektorale me kreun e PD, ish-kryeministri: Arsyet përse Berisha më sulmon
9 Janar, 20:51 -
Për 3 ditë nis regjistrimi i emigrantëve për zgjedhje, Rama rikthen turin me diasporën! Dërgon drejtuesit politikë në Greqi dhe Itali
9 Janar, 17:10
-
Zgjedhjet e 11 majit, Rama mbledh drejtuesit politikë në PS! Fokusi te vota e diasporës
9 Janar, 16:53 -
KQZ 'kënaq' PD e PS, diaspora do të sqarohet me SMS për gabimet në regjistrim, mund të riaplikojnë
9 Janar, 15:51
-
Zgjedhjet e 11 majit, Rama mbledh drejtuesit politikë në PS! Fokusi te vota e diasporës
9 Janar, 09:51 -
Sondazhi i Report Tv/ Nëse zgjedhjet mbahen sot, PS fitore të thellë me 80 mandate! PD tkurret në 46, i ‘firojnë’ 13 deputetë! Në Kuvend 12 ligjvënës nga partitë e reja
8 Janar, 23:03 -
'Në kërkim të emigrantëve', aleatët e PD: Opozita duhet të organizohet! Të jemi në një 'front' për diasporën
8 Janar, 16:23
-
Diaspora voton! Të shtunën hapet regjistrimi për emigrantët, në KQZ partitë ende debat të ‘ndezur’
8 Janar, 16:13
-
‘SPAK përkëdhel Berishën, me PS tregohet i pamëshirshëm’, Ilir Yzeiri në Report Tv: Rama nuk ka përballë konkurrentë në zgjedhje, s’kemi opozitë
8 Janar, 14:11 -
Zgjedhjet e 11 majit/ Kreu i PAA, Agron Duka: Nuk do kandidoj më për deputet! Për partinë kërkojmë 1-2 vende të sigurta në listën e PD-së
8 Janar, 10:56 -
Eduard Zaloshnja: Sa ndryshon në Shqipëri përkatësia fetare bazuar në bindjet personale nga ajo origjinale familjare?
8 Janar, 09:46
