Ekskluzive/​Grushte e armë
ngjarja për të cilën u dënua Kosta

TIRANE-Grushte e deri në përdorimin e armës ka shkuar konflikti mes Vladimir Kostës kur ishte tregtar dhe një personi 17 vite më parë.

ReportTv zbardh ekskluzivisht dënimin e 17 viteve më parë dhënë nga Gjykata e Tiranës ndaj deputetit Vladimir Kosta, asokohe biznesmen.

Sipas vendimit rezulton se pas një konflikti fizik me shtetasin E.Topi për zënien e rrugës Kosta ka përdorur armën pa leje duke qëlluar në ajër dhe plumbi ka rënë mbi makinën e Topit.

Në gjykatë Kosta ka pranuar akuzën e prokurorisë, ndërsa ky dënim rezulton se nuk është pasqyruar në formularin e Dekriminalizimit.

Në këtë dënim ajo që bëhet publike për herë të parë është fakti se Kosta është arrestuar nga policia pasi ka qëlluar me armë në ajër teksa shtetasi E.Topi me të cilin ai është konfliktuar është larguar me vrap.

Siç dhe shihni në vendimin e siguruar nga Report Tv rezulton se më 17 qershor të vitit 1999 pas një konflikti për zënien e rrugës me makinë shtetasi Vladimir Kosta ka nxjerrë armën pa leje dhe ka qëlluar e një nga plumbat ka kapur automjetin e shtetasit E.Topit.

Ngjarja është shënuar në rrugën “Hoxh Vogli” ndërsa sipas hetimeve të prokurorisë këta dy shtetas janë konfliktuar dhe më parë.

Në gjyq Vladimir Kosta aso kohe tregtar e ka pranuar akuzën e armëbajtjes dhe ka qenë dakord me kërkesën e prokurorisë për dënimin me 10.000 lekë gjobë.

Dënimi është shpallur më 19 Prill 2000 dhe rezulton se ka mbetur në fuqi.

Ky dënim nuk është pasqyruar në formularin e Dekriminalzimit çfarë ka ka bërë që prokuroria të kërkojë heqien e mandatit të Kostës në KQZ.




(Faksimile e vendimit qe denoi Vladimir Kosten kur ishte tregtar)

(d.b/Shqiptarja.com)
 

TAG:
• kqz