Ekskluzive/ Arta Marku raport voluminoz për 2018-ën: Dyfishohen grupet kriminale (I PLOTË)

Report TV ka zbardhur ekskluzivisht raportin voluminoz të kriminalitetit në vend të dorëzuar nga Prokuroria e Përgjithshme në Kuvend. Në 308 faqe, Arta Marku i raporton Gramoz Ruçit detaje të rekordeve kriminale gjatë 2018-ës.

Në dokument thuhet se gjatë vitit 2018 janë regjistruar 31.409 procedime penale që përbën një ulje të lehtë prej 0,23 % krahasuar me vitin 2017.


Gjatë vitit që lamë pas, janë përgjuar 4168 persona të dyshuar si të përfshirë në vepra penale, për llogari të 715 procedimeve.

Prokuroria e përgjithshme ka bërë dhe matjen koeficientit të kriminalitetit në vend, kur rezulton që qarku i parë me numrin më të lartë të veprave penale për numër banorësh të jetë Vlora, e ndjekur nga Lezha, Durrësi, Gjirokastra e pastaj Tirana. Ndër qarqet me më pak kriminalitet është Kukësi, Berati e në fund me shifrat më të ulta të rekordeve kriminale, është Dibra.

Gjatë 2018, fusha kryesore e veprimtarisë kriminale është ajo e kultivimit apo trafikimit të lëndëve narkotike, e ndjekur nga krimet kundër personit, korrupsioni dhe vjedhjet.

Disa vepra penale kanë shënuar ulje gjatë 2018, krahasuar me një vit më parë. Kështu, janë përgjysmuar “Krimet kundër jetës të shkaktuar me pakujdesi”, ndërsa procedimet për “Korrupsion” kanë rënë me 37 %. Ulje shënojnë dhe mashtrimi, kultivimi i narkotikëve, dhe  veprat penale kundër fëmijëve, martesës dhe familjes.

Një gamë e gjerë veprash penale kanë shënuar rritje. Prokuroria e përgjithshme pranon se “Veprat penale të kryera nga banda e armatosur dhe organizata kriminale”  janë dyfishuar, ose saktësisht janë rritur me 2,4 herë.

Rritje kanë dhe “Veprat penale që rrezikojnë jetën dhe shëndetin nga ndërprerja e shtatzënisë ose nga mosdhënia e ndihmës” me 66 %,  “Krimet kundër shëndetit të shkaktuar me pakujdesi” shtuar me 33 %. “Krimet Kundër jetës të kryera me dashje” janë rritur me 27  %  dhe “Krimet seksuale” janë shtuar me gati 11 %.

DETAJET NGA REPORTI

Veprat

Gjatë vitit 2018 janë regjistruar 31.409 procedime penale që përbën ulje prej 0,23 % krahasuar me vitin 2017.

Përgjimet

Në shifra të përgjithshme, gjatë vitit 2018 janë ekzekutuar gjithsej 3063 vendime për përgjim të autorizuara nga gjykata në hetimet paraprake, aplikuar në lidhje me 715 procedime penale.

Nga këto, 147 procedime penale kanë qenë në kuadër të hetimeve të prokurorisë për krime të rënda. Për sa më sipër është mundësuar interceptimi për 4168 persona të dyshuar si të përfshirë në vepra penale.

Koeficienti i kriminalitetit

1.            Vlorë                  1716

2.            Lezhë                1283

3.            Durrës               1208

4.            Gjirokastër          1199

5.            Tiranë                  1176

6.            Shkodër               1122

7.            Korçë                    970

8.            Fier                        890

9.            Elbasan                 851

10.          Kukës                    761

11.          Berat                     747

12.          Dibër                     622

Veprat me të shpeshta

Narkotikët                                   35 %

Kr. kundër personit                      24 %

Korrupsion, shpërdorim detyre    13 %

Vjedhje                                          8 %

TENDENCA E VEPRAVE PENALE

ULJE

1.            “Krimet kundër jetës të shkaktuar me pakujdesi”,            ulje 55,56 %

2.            “Korrupsioni”                                                                     ulje 37 %

3.            “Mashtrimi”                                                                        ulje 16,92 %

4.            “Prodhimit dhe kultivimit të narkotikëve”                            ulje 9,68 %

5.            “Veprat penale kundër fëmijëve, martesës dhe familjes”   ulje 7,73 %

RRITJE

1.            “Veprat penale të kryera nga banda e armatosur dhe organizata kriminale” 2,4 herë                                               (141 %)

2.            “Veprat penale që rrezikojnë jetën dhe shëndetin nga ndërprerja e shtatzënisë ose nga mosdhënia e ndihmës”     6,29 %

3.            “Krimet kundër shëndetit të shkaktuar me pakujdesi”                                                                                                 33,33 %;

4.            “Krimet Kundër jetës të kryera me dashje”                                                                                                                  27,27 %

5.            “Krimet seksuale”                                                                                                                                                         10,78 %

 

( Kliko këtu ) për raportin e plotë të Prokurorisë së Përgjithshme për 2018

 

 

G.M./b.ha./Shqiptarja.com
Komento