TIRANE-Gazetari i Report Tv Artan Hoxha mbrëmjen e sotme në emisionin 'Repolitix' ka zbuluar duke bërë publik një rast të trafikut të kokainës që erdhi nga Ekuadori e fshehur në kontenier me banane, por që nuk u zbulua nga skaneri në portin e Durrësit. Kontenieri u tërhoq nga pronari i kompanisë së bananeve dhe u dërgua në magazinë në Patos, por gjatë natës persona të armatosur kanë dhunuar rojen duke marrë më pas pakot e kokainës, që sipas tij llogaritet që të kenë qenë 100-130 kg.
Hoxha ka publikuar ekskluzivisht për Report Tv edhe pamjet e kontenierit me banane që ndodhet në magazinë në Patos ku ishte fshehur kokaina. Lënda narkotike ishte fshehur në pjesën e aspiratorit në pjesën frigoriferike. Rruga që ka ndjekur kontenieri me banane ku ishte fshehur kokaina është e njëjta me rastin e atij të pak javëve më parë kur u zbuluan 137 kg kokainë.
Por ndërsa rasti i parë u zbulua nga DEA në portin e Pireut në Greqi, kontenieri në fjalë arriti që të kalonte në të gjitha portet në fund edhe në Durrës duke përfunduar në Patos. Policia e mësoi rastin vetëm pas denoncimit të rojes së kompanisë në Patos ku dhe pa nga afër atë që kishte ndodhur. Pas ngjarjes nga policia u zhvilluan dy operacione në Portin e Durrësit në datë 25 Tetor dhe në datë 29 Tetor në Doganën e Tiranës, pasi u dyshua se sasia ishte më madhe, por në fakt nuk u zbulua asgjë.
"Në datë 21 Tetor një kontenier që kishte ardhur nga i njëjti vend që u kap ai orizi, Guajakili në Ekuador-porti i Pireut Athinë-Durrës, pasi kishte qëndruar 4-5 ditë, kishte shkuar pronari që kishte porositur bananet dhe e kishte çuar nga Durrësi në magazinat në Patos, ndërsa gjatë natës një grup i armatosur i marrin peng rojën, i hapin kontenierin nga jashtë. Që do të thotë se ky që ka bananet nuk ishte brenda rrjetit. Droga ishte vendosur sikur ajo e 137 kg, në pjesën e jashtme frigoriferike.
Kontenieri hapet me kodet e që i dërgon kompania nga vjen malli, në rastin konkret çelësat kanë ardhur në rregull, garancia ka qenë se ngarkesa ka qenë në rregull, por kompania nuk të jep garanci për pjesën e jashtme, pasi gjatë kohës që qëndron në port aty bëhet ndërhyrja. Në rastin konkret, ngarkesa erdhi, nuk u interceptua, i kaloi Greqisë, hyri në portin e Durrësi, se cfarë ka ndodhur aty nuk e di, por edhe në rastin e parë te ai që doli me çantë (rasti i 137 kg kokainë) bëri të njëjtën gjë, vajti si zotëri e mori dhe doli. Sistemi jonë i sigurisë doli defektoz, nuk e kapën. Por cfarë është ky grup që e grabit në magazinë.
Ngjarja është mbajtur sekret, nuk është dhënë në komunikatë, e mora rastësisht informacionin. Në datë 25, 400 forca policie, 10 qen kufiri, 2 drone hynë në port dhe kontrolluan 106 kontenier, pasi nga Ekuadori ishin edhe 3 të tjerë, dhe nuk u gjet gjë. Këta kërkuan në 106 konternier nëse kanë të tjerët, por u kërkua me hamendje dhe jo informacion. Qëllimi i kontrollit ishte kokaina që humbi. Nga gjithë ai operacion nuk u gjet gjë tjetër. Dje u bë një kontroll tjetër i njëjtë në doganën e Tiranës, u kontrolluan 70 kamionë për ngarkesë tjetër, pasi dyshojnë se ishte më e madhe ajo që erdhi.
Edhe në datën 29, dje nuk u gjet gjë. Por nuk kapen sasi të tilla me fushatë. Deri në momentin që e kam publikuar dhe pashë reagimin heshtje të nesërmen. Për fat të mirë burimi që ma dha ma dokumentoi. Në foto është pjesa e jashtme e kontenierit, frigoriferi, në pjesën e aspiratorit, edhe në rastin e parë edhe këtë herë aty kanë qenë futur, sasia dyshohet 100-130 kg.
Por ky është ky grup kaq i fuqishëm që e futën, e morën dhe u zhdukën pa lënë gjurmë. Edhe pse DEA është aty, linja po funksionon. Ajo ngarkesë është 23-24 mijë euro kg. Nuk u gjet dot kush e mori, skanerit i shpëtoi kjo gjë. Ky është i radhës që dëshmon që ne jemi pjesë e kësaj rruge, që grupet tona kanë fuqinë të bëjnë operacionin në tre kontinente" tha Hoxha.
Komente
Lajme të tjera
-
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Mahmutaj për Report Tv: E padëgjuar më parë në gazetari! Suel Çela pagoi Artan Hoxhën për të manipuluar informacionet, i ka shtrirë tentakulat deri te gazetarët! Inskenuan kërcënimin! E rëndë
27 Nëntor, 19:20 -
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48 -
DOSJA/ 'Këta budallej kërkonin për gëzhojë po snajperi s'lë', zbardhen përgjimet e Suel Celës me Artan Hoxhën! SPAK: Zv/shefi i policisë së Elbasanit i blen Benz, i informonte për hetimet e kontrollet
27 Nëntor, 10:07 -
Gazetarët Artan Hoxha dhe Elton Qyno shkojnë në SPAK! Iu vendos masa 'detyrim paraqitje', pas dyshimeve për lidhje me bandën e Suel Çelës
27 Nëntor, 09:50 -
Dosja e Suel Çelës, Meçe në ‘Repolitix’: Lidhjet me Artan Hoxhën, manipuloi hapësirën mediatike në shërbim të grupit kriminal! Mori zarfin në dorë
26 Nëntor, 22:10 -
DOSJA/ Artan Hoxha me SKYECC, chat-i i kriminelëve! Me Suel Çelën inskenuan kërcënimin me mesazhe dhe foto! Përgatitën ‘skaletën’ e emisionit Opinion! Takimet e pagesat
26 Nëntor, 19:54
-
SPAK godet Organizatën kriminale të Suel Çelës në Elbasan! Trafikoi kokainë nga Amerika Latine në BE! Korruptoi shefin e krimeve e gjyqtaren! ''Gazetarët morën para për keqinformim''
26 Nëntor, 12:17 -
Detyrim paraqitjeje për dy gazetarët, Sali Berisha: Artan Hoxha anëtar i bandës Bajri! T'i hiqet masa Qynos
25 Nëntor, 17:31 -
'Repolitix'/ Zaloshnja dakord me mbylljen e TikTok dhe Snapchat: U krijua nga Kina për të krijuar kaos në perëndim! Sefa: Jam për vendosjen e filtrave
20 Nëntor, 21:50 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
'Repolitix'/ A do lirohet Berisha? Idajet Beqiri: Nuk ka shans! Faik Basha: Gjykatat të kapura nga Sorosi! Dhuli: Do bjerë procedura dhe do ta lirojnë
19 Nëntor, 22:49
Dikush nga më lart e ka dorën aty,sepse sceneri është mjet dhe nuk flet apo jo...
Përgjigju