POP 5

Lajmet më të lexuara të 5 minutave të fundit

Kronikë

Ekskluzive/ Godinë e re për të arrestuarit e policisë! Tirana me bllok sigurie, jo më të ndaluar në komisariate

‘Blloku i Sigurisë’, një godinë krejtësisht e re do të vihet në dispozicion të komisariateve të Tiranës për të arrestuarit. Asnjë i prangosur nuk do të shkojë në qelitë e komisariateve duke shmangur edhe aktet e arratisjes apo vetëflijimit. Report Tv zbulon se ambientet e reja ndodhen pranë burgut 302 tek Mine Peza.

TIRANË- Një godinë e re do të presë së shpejti të gjithë të arrestuarit dhe ndaluarit e komisariateve të Tiranës, deri para daljes në gjykatë, për t’u mësuar me masën e sigurisë. Nëse gjykata do të caktojë masë më të butë ata do të rikthehen në shtëpi, përndryshe sistemimi i tyre do të bëhet në paraburgimet “302” dhe 313”, në rastin e Tiranës.

Kjo godinë, investim i Policisë së Shtetit e emëruar “Blloku i Sigurisë” është drejt përfundimit dhe ndodhet ngjitur me burgun “302” në kryeqytet, në rrugën “Mine Peza”.

Burime nga policia i thanë Report Tv se pritet të ketë kapacitet të mjaftueshëm për të përballuar fluksin e personave të arrestuar dhe ndaluar. Më kryesorja, kjo godinë, pritet t’i japë zgjidhje njëherë e mirë edhe problemeve të kushteve higjenike të komisariateve dhe mungesës së kapaciteteve. Do të jetë e survejuar me kamera sigurie dhe staf të veçantë. Nuk dihet akoma kur pritet të vihet në funksion, por gjithsesi, ky investim synon zgjidhjen e një problemi të trashëguar në vite dhe është drejt përfundimit.

Sipërfaqja totale e kësaj godine është 746 metra katrorë dhe përbëhet nga një strukturë e vetme 5 kate me 1 kat bodrum. Blloku i Sigurisë do të ketë në katin nëntokë dhomë kontrolli për të ndaluarit, detektorë dhe garazh. Kati i parë përdhe parashikohet të ketë zyrë për shefin e seksionit, ambiente për veshjet e armët, sallë mbledhjesh etj. Kati i parë parashikohet të ketë dhomë mjeku, dhomë intervistimi, dhomë për paraqitje e për njohje, dhoma sigurie, ambiente për veshje dhe ushqime për të ndaluarit etj. Katet 2 dhe 3 janë parashikuar gjithashtu që të kenë dhoma mjeku, dhoma intervistimi, ambiente për veshjet e ushqimet për të ndaluarit. Ndërsa kati i katërt veç dhomës së mjekut, dhomës së njohjes, e zyrave të administratës, parashikohet të ketë 15 dhoma sigurie.

Mbipopullimi në komisariate për personat e ndaluar dhe të arrestuar është problem prej vitesh i Policisë së Shtetit, i ngritur nga Avokatit të Popullit dhe Komitetit Shqiptar të Helsinkit. Këto kushte të vështira e bënë situatën edhe më tragjike mbrëmjen e 26 marsit, kur Arben Mici u vuri flakën qelisë duke u vetëflijuar nëKomisariatin nr. 5 në Kamëz.

Jo vetëm mbipopullim, por edhe kushte të vështira higjeno-sanitare e mungesë shërbimesh, janë trashëguar ndër vite. Kulmi i një problemi të tillë u pa mbrëmjen e 26 marsit, ku u përfshinë nga flakët qelitë e Komisariatit nr. 5 në Kamëz, si pasojë e të cilit humbi jetën një person. Arben Mici, 26 vjeç, ishte mësuar me masën e sigurisë “arrest me burg” nga gjykata, por ishte rikthyer sërish aty.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Grupi: 02/05/2022 20:06

    Djemte e Tom Doshit do i futni aty apo u harrua plagosja e rende se kaluan tre dite. Keni ndertuar alamet paraburgimi per fukarenjte, bravo!

    Përgjigju
    • Boti: 03/05/2022 09:55

      Po normale, tani kalamajt qe kapen me cigare hashash do jen ne kontrollin e hekurt te shtetit.Cunat e tomes i kemi me kimet.Sa te harrohet ai muhabet dhe prap te blloki i ke

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

DASH e cilëson 'retorikë të papërgjegjshme' kërcënimin e Medvedevit ndaj NATO-s

DASH e cilëson 'retorikë të papërgjegjshme' kërcënimin e Medvedevit ndaj NATO-s

18 Dhjetor, 20:06