'Shes 'Yamaha X' 1800 euro', si u gjet në Google motori që u përdor për vrasjen e Nikulajt, u ble nga e fejuara e Edmond Haxhisë! Mjeti u braktis pranë shtëpisë së porositësit

Policia ka gjetur prova të mjaftueshme shkencore që çuan në zbulimin e grupit kriminal që ekzekutoi biznesmenin Ardian Nikulaj. Ata kanë gjetur në bagazhin e makinës së përdorur nga Edmond Haxhia, qese, fatura tatimore, rroba, veshje si ato të grave myslimane, tip hixhab, doreza e shishe ujë.

Ndërsa në magazinën e banesën e Haxhisë në fshatin Kakarriq, ekspertët kanë gjetur qese plasmasi, fatura të një marketi në Shkodër, një çamçakëz i konsumuar, një shishe ujë dhe nje facoletë e përdorur.

Ma pas është ushtruar kontroll në dhomën 302 të hotel “Besa” ku qëndroi shtetasi britanik Harry Simpson. Aty u gjetën disa bishta cigaresh, nga të cilat u përftua profil genetik.

Ato u krahasuan dhe rezultuan të njëjta me gjurmët e marra nga dorezat e gjetura në bagazhin e mjetit të marrë me qira nga Edmond Haxhia duke provuar shkencërisht lidhjen e Harry Simpson në këtë ngjarje. Sipas policisë, ai rezulton i proceduar 27 herë në Angli për posedim droge, dhunë dhe vjedhje.

Veç kamerave të sigurisë, prova kryesore sipas mediave që ka policia për atentatorin Ruben Saraiva, janë gjurmët e gjetura në një veshje hixhab të gjetur në bagazhin e makinës “Wolsvagen golf5”. Nga to u prodhua një profil gjenetik, i cili më pas rezultoi i njëjtë me atë të përftuar nga një çamçakëzi  i gjetur ngjitur në traun e magazinës së shtëpisë së Edmond Haxhisë.

Një oficeri policisë, pjese e grupit të hetimit, për zbardhjen e vrasjes së Ardjan Nikulajt në Shëngjin të Lezhës, ra rastësisht në gjurmët e motorit që portugezi përdori për vrasjen e 50-vjeçarit.

Burime nga mediat bëjnë me dije se një nga oficerët, në datën 21 Prill 2023, ka kërkuar në ‘Google.al’ me fjalët “…shes motor ‘Yamaha X Max…’.

Dhe në këtë moment i është shfaqur në një nga faqet e shitjes se mjeteve dhe pronave në internet “M…J…”.

Nga këqyrja që oficeri i ka bërë kësaj faqe në njoftimet e postuara në ditët e muajit Prill dhe muajit Mars, është konstatuar njoftimi për shitjen e një motori, identik me karakteristikat e motorit që ishte përdorur në vrasjen e Nikulajt në Shëngjin.

Njoftimi kishte dalë në 28 Mars 2023 dhe po në të njëjtën ditë ishte shpallur shitja, por megjithëse ishte shitur njoftimi nuk është fshirë. Në postim ishte edhe numri i shitësit, të cilin e ka telefonuar më pas policia. Personi M.J i cili jeton në zonën e 21 dhjetorit, ka treguar se ja ka shitur motorin një vajzë kundrejt çmimit prej 1800 euro.

Zbulimi i emrit të vajzës, çoi në ngritjen e dyshimeve të forta se vrasja e Nikulajt kishte të bënte me gjakmarrjen. Sipas policisë rezultonte se vajza ishte e fejuara e Edmond Haxhisë, hasmit të Nikulajt, i cili rezulton të ketë hyrë në Shqipëri në muajin Nëntor 2022, periudhë me të cilën dhe ishte fejuar me mblesëri.

Vajza është shoqëruar në policinë e Lezhës dhe ka pranuar se ajo ishte blerësja e motorit, ndërsa eurot i kishte paguar pikërisht i fejuari i saj, Edmond Haxhia. Por Edmond Haxhia, që prej mbrëmjes së 20 Prillit nuk ndodhej më në territorin Shqiptar. Ai ishte larguar, pasi ishte siguruar se portugezi dhe 4 anglezët kishin dalë jashtë kufijve të Shqipërisë.

Policia ka nisur sërish kërkime për gjetjen e provave mbi gjurmët e Ruben Saraivas, vrasësist të Ardian Nikulajt.

Në pamjet e siguruara, shihet banesa e porositësit Edmond Haxhia, ndërsa pranë kësaj banese u gjetën rrobat dhe motor ii përdorur nga ekzekutori.

Ndërkohë forcat e policisë janë në kërkim të armës së përdorur e cila dyshohet të jetë hedhur në lumin ‘Drin’. Në banesën shihet vetëm e ëma e Edmond Haxhias.

Është gjendur motori i vrasësit portugez Ruben Saraiva të Ardian Nikulajt, biznesmenit në Shëngjin. Motori u gjet pranë banesës së porositësit, Edmond Haxhisë.

Njoftimi i policisë: 

Vijojnë veprimet e thelluara hetimore dhe kontrollet në terren, për sigurimin e të gjitha provave që shërbejnë për dokumentimin e plotë ligjor të autorësisë së vrasjes së kryer më 19 prill, në Shëngjin.

Si rezultat i hetimeve, informacioneve të siguruara dhe kontrolleve të imtësishme në terren të kryera nga shërbimet e Drejtorisë Vendore të Policisë Lezhë dhe forcat operacionale të Policisë së Shtetit, në afërsi të banesës së shtetasit të shpallur në kërkim E. H., në fshatin Kakarriq, shërbimet e Policisë gjetën dhe sekuestruan motomjetin e përdorur nga ekzekutori, për vrasjen e shtetasit Ardian Nikulaj.

Grupi i posaçëm hetimor vijon hetimet dhe veprimet në terren, në funksion të dokumentimin të plotë ligjor të kësaj ngjarjeje.

Ndërkohë, Policia e Shtetit është duke bashkëpunuar ngushtësisht me partnerët dhe agjencitë ligjzbatuese ndërkombëtare, për lokalizimin dhe kapjen e 6 shtetasve të shpallur në kërkim në lidhje me vrasjen e 51-vjeçarit Ardian Nikulaj.”- thuhet në njoftimin e policisë.

Britaniku Harry Simpson, një prej të shpallurve në kërkim për vrasjen e biznesmenit Ardian Nikulaj rezulton me të paktën 19 precedentë penalë në Britaninë e Madhe. Ai është dënuar disa herë nga autoritetet atje.

Të 6 të akuzuarit për vrasjen e Ardian Nikulajt në Shëngjin menjëherë pas vrasjes kanë nisur arratisjet nga Shqipëria. Gazetari i Report Tv Sokol Dema raportin se informatori anglez i cili prej ditësh qëndronte në hotelin e viktimës është pikasur nga kamerat e Aeroportit të Rinasit që në një nga tualetet të ketë hyrë dhe ka ndërruar rrobat. Ndërkohë që vrasësi portugez Ruben Saraiva është larguar nga pika kufitare e Kapshticës dhe ka mbërritur në në rrugë tokësore për në Turqi, me distancion final Britaninë e Madhe.

Për vrasjen Ardian Nikulaj më 19 prill më lokalin e tij, akuzohen 4 britanikë, dhe portugezi Ruben Saravia që shtiu me porosi e financim të Edmond Haxhia, kushëri i të rinjve Lekstakaj, familja në gjak me viktimën në Shëngjin. Vrasësi dyshohet se ka ndenjur për 2 muaj në fshatin Kakarriq ndërkohë që për të justifikuar qëndrimin e gjatë thuhet se i thoshte fshatarëve se ishte i dashuruar me një shkodrane por familja e saj nuk e donte këtë lidhje për shkak të ngjyrës së tij të lëkurës.

Portugezi Ruben Saravia i cili akuzohet ekzekutues i Ardjan Nikualjt në Shëngjin, madje ka blerë motorin me të cilin lëviztë mes Lezhë dhe Shkodrës, ne internet nëpërmjet rrjetit te shit-blerjeve “Merrjep.al”, duke thënë se do t’ia dhuronte të dashurës për Shën Valentin.

Gjashtë personat që kanë bashkëpunuar për të kryer vrasjen e biznesmenit Ardian Nikulaj mesditën e 19 prillit brenda lokalit të tij në Shëngjin tashmë janë në kërkim dhe po ndiqen procedurat urgjente për të dërguar letërporositë në drejtim të Portugalisë për vrasësin dhe të Britanisë së Madhe për 5 të tjerët, porositën shqiptar Edmond Haxhia dhe 4 britanikët. Ministri Manja ka thënë sot se sapo prokuroria t’i ketë gati, Ministria e Drejtësisë do t’i nisë sa më shpejt. Në orët e vona të pasdites të së mërkures, Gjykata e Lezhës ka pranuar kërkesen e prokurorisë, duke caktuar ndaj tyre masat e sigurisë "Arrest në burg". 

Ndërkohë që burime për Report Tv bëjnë me dije se Edmond Haxhia është tradhëtuar pikërisht nga një grua, e afërm e tij. Ajo ka treguar të gjitha lëvizjet e të akuzuarve. Ajo ka dëshmuar se të gjashtë i ka parë në fshatin Kakarriq bashkë. Ajo ka patur dijeni për prezencen e shtetasve të huaj në shqipëri dhe shoqërinë e tyre me Edmond Haxhinë, duke treguar në polici të gjitha lëvizjet e tyre. Haxhia është pikasur gjithashtu nga kamerat kur mori në aeroport 5 të huajt. Dëshmia e një gruaje, e afërm me Haxhinë, është faktuar edhe nga këqyrja e kamerave të sigurisë, duke çuar në zbardhjen e plotë të ekzekutimit të biznesmenit Ardian Nikulaj, që deri në këtë fazë hetimesh rezulton të ketë ndodhur për shkak të hasmërisë që ai ka pasur me fisin Lekstakaj. Po verifikohen disa të tjerë si të përfshirë në ngjarje, po merren në pyetje dhe po mbahen në vëzhgim. 

Ministri i Drejtësisë, Ulsi Manja ka folur për vrasjen e biznesmenit Ardian Nikulaj në Lezhë duke thënë se sapo të përgjatiten, do të nisin me urgjencë letërporositë për 6 autorët e dyshuar dhe të nisin puna me homologët e vendeve të tjera.

“Unë nuk di se ka raste të refuzimit të ekstradimit, në të gjitha rastet që ka pasur kërkesa ne i kemi realizuar. Lidhur me ngjarjen e Lezhës jemi ne bashkëpunim te ngushtë me prokurorinë ne momentin e parë qe do vijnë letërporsitë do i procedojmë menjëherë dhe do komunikojmë me homologet e huaj për shtetasit e përfshirë në këtë ngjarje të shëmtuar.

Përgëzoj policinë e shtetit dhe prokurorinë, që në kohë rekord arritën që të zbardhnin një ngjarje kaq të shëmtuar”, tha Manja.