POP 5

Lajmet më të lexuara të 5 minutave të fundit

Kronikë

Ekskluzive/ Historia misterioze e 'terroristit' pa identitet! Emigranti i izoluar në Shqipëri kyç gojën

Kush është nga vjen dhe përse zgjodhi Shqipërinë, janë pyetjet që kanë angazhuar Anti-terrorin dhe Prokurorinë e Krimeve të Rënda për të zbardhur identitetin e 40-vjeçarit që mbahet i izoluar

Prej muajit korrik të vitit 2018, në territorin shqiptar ndodhet një shtetas i huaj, i cili nuk është mundur të identifikohet apo të mësohet origjina se nga vjen.

ReportTv sjell historinë e rrugëtimit të personit pa identitet, i cili mbahet i izoluar në qendrën e pritjes së emigrantëve në Karec të Vorës.

Ai u ndalua 10 muaj më parë në pikën kufitare të Kakavijës, si person i dyshuar për terrorizëm. Por para autoriteteve ai refuzon të tregojë identitetin e tij.  Sipas ekspertizës mjeko-ligjore nuk është as shurdh as memec, por thjesht nuk pranon të flasë.

Kush është nga vjen dhe përse zgjodhi Shqipërinë, janë pyetjet që kanë angazhuar Anti-terrorin dhe Prokurorinë e Krimeve të Rënda për të zbardhur identitetin e 40-vjeçarit që mbahet i izoluar.

Burime për Report Tv bëjnë me dije se personi i moshës rreth 40 vjeç në momentin e shoqërimit nuk ka pasur mjet identifikimi. Ai është pikasur nga Antiterrori në mesin e një grupi emigrantësh nga Lindja e Mesme korrikun e shkuar.

Për identifikimin e tij autoritetet i janë drejtuar Interpol dhe Europol por personi nuk rezulton i skeduar, pasi nuk i dalin shenjat e gishtërinjve të lidhura me asnjë ngjarje kriminale.

Por a është i vetmi person ky që ndodhet në këto dhoma izolimi?

Sapo panë shohin praninë e medias disa nga personat që mbahen në qendrën e pritjes së emigrantëve, dalin në dritare.

Ata shprehen se janë 10 persona që mbahen të izoluar dhe sipas dëshmive janë nga Lindja e Mesme.

ReportTv ka mësuar se mbi ta ka dyshime se kanë lidhje me celulat terroriste që veprojnë jashtë vendit dhe deri në një verifikim të plotë është caktuar masa e izolimit.

Qendra e pritjes në Karec është nën monitorimin e forcave të policisë kufitare dhe atyre RENËA, të cilat për 24 orë bëjnë shërbime me tre turne.

Personat që mbahen në këtë qendër u ndalohet komunikimi me personat jashtë rrethimit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fredi: 01/05/2019 02:40

    Pse i transportojnë në brendesi të vendit duke i veshtiresuar gjerat nderkohe qe më kollaj eshte qe te dergohen mbrapsht nga vendi qe hyne në token shqiptare? A u futen në Shqiperi nepermjet nje vendi të BE-sê? Pse nuk i kthyen mbrapsht që në atë moment?

    Përgjigju
  • Moni: 30/04/2019 18:10

    Cojeni ne Guantanamo se i zgjidhet goja atje.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça