20 vite nga zhdukja e Klementina Çekiçit nga Pogradeci vjen për herë të parë dëshmia tronditëse. 40-vjeçarja u zhduk bashkë me të bijën 2-vjeçare shkurtin e vitit 2002, duke lënë pas dhe një tjetër vajzë të mitur. Një vit pas kësaj ngjarje, kur shpresat për nënë e bijë ishin shuar, policia gjen vogëlushen në një banesë të qytetit të Fierit, ku jetonte një zonjë me emrin Antoneta. Kjo e fundit, në intervistën ekskluzive dhënë për emisionin ’Pa Gjurmë’, në Report TV tregon me detaje, sesi dy persona i lanë në përkujdesje vajzën, kundrejt 10 mijë lekëve në muaj, duke ia dorëzuar në një rrugicë të qytetit të Fierit. Ajo thotë se u kujdes për të miturën, por nuk mësoi dot se ku kishte përfunduar e ëma.
Antoneta: Ka qenë muaji shkurt, në një rrugicë të Fierit e mora. E mora në shtëpi vajzën.
Gazetarja: Ti i njihje më përpara këta persona?
Antoneta: Jo, unë hekurosja tek shtëpia Viron Tavanxhiu se ishte një periudhë që u privatizuan ndërmarrjet dhe na hoqën nga puna . Nuk e dija fare unë çfarë bënte ai.
Gazetarja: Çfarë moshe ishte vajza?
Antoneta: 2 vjeçe. E kam mbajtur unë pa e ditur se si ishte muhabeti. Kaluan 5 muaj s’po merrja asnjë lajm.
Gazetarja: Po gjatë këtyre 5 muajve këto djemtë që ta dorëzuan u shfaqën ndonjëherë?
Antoneta: Një herë ky çuni që ma dha, kurse ky tjetri që e kishte marrë jo. Erdhi policia më mori mua. Denoncimin e bëra unë. Pastaj vajtën tek këta cunat i arrestuan të dy. M'u mor fëmija ndenja dy ditë, ditën e tretë më mbajti policia pastaj vajtën i gjetën shtëpinë, ku e kishin këta në Pretush të Pogradecit. Erdhën e morën fëmijën.
Gazetarja: A u dënua për pjesën që kishte marrë vajzën?
Antoneta: Që e mbuloi krimin që ishte bashkëpunëtor. Ai tjetri u dënua me 8 vjet me thënë të drejtën se unë isha pjesë edhe e gjyqit. Unë shkova edhe në gjyq. Biles gjyshi i Megit nga ana e babait mua më ka përqafuar atë ditën e gjyqit dhe tha: ‘Të falenderojmë që na e kishe mbajtur aq mirë atë vajzë sepse sot do të kërkonim dy veta.’ Unë erdha në Tiranë pastaj kishin kërcënuar familjen time, mamanë time sepse kishte dalë nga burgu ky çuni. Për dy vite rresht kemi pasur shumë probleme
Gazetarja: Ata nuk ta përmëndën fare nënën e vajzës, se ku ndodhej?
Antoneta: Jo jo fare, unë se kisha marrë fare fëmijën nëse do ta dija të vërtetën.
Antoneta, dëshmitarja për Klementina Çekiçin
’Pa Gjurmë’ në rrugë jozyrtare mundi të zbulojë detaje tronditëse mbi rrëmbimin e bujshëm të 2002, nga dëshmia që dhanë tre trafikantët Ardian Stroni, Dritan Hoxha dhe Viron Tavanxhiu.
Pas arrestimit të tyre, ata janë shprehur se Klementina Çekiçin e kanë rrëmbyer me vajzën në krahë. Atë ditë sipas familjarëve, ajo kishte shkuar në Korçë, që të vizitonte burrin e saj në burg, të ndaluar për vjedhje. Por, pak para se t'i afrohej burgut, sipas dëshmisë së tre të arrestuarve, ata e kanë futur me forcë në një makinë. Pasi e kanë çuar në Fier, e kanë ndarë nga fëmija dhe më pas e kanë trafikuar në Itali...
Ndërsa u njoh me këtë dëshmi tronditëse për të motrën, Marsela Muçaj e shokuar kërkon të zbulohet sa më parë e vërteta për fatin e Klementinës.
'Pa Gjurme' po vazhdon punën investigative për rastin e 40-vjeçares Klementina Çekiçi. Kush ka më shumë informacion është i lutur të kontaktoi në numrat 069 99 55 698 dhe 0444 17 778 duke iu ruajtuar anonimati i plotë.
Video e plotë e emisionit ’Pa Gjurme’
Lajme të tjera
-
Historia në Lushnje/ Në burg për përdhunimin e një vajze, fëmijët e 63 vjeçarit në 'Pa Gjurmë' kërkojnë drejtësi për të atin
12 Korrik, 17:28 -
Skandali tek Onkologjiku/ Koduzi në 'Repolitix': Shërbimi më i keqfinancuar! Gazetarja: Mjeku denoncoi rrezatimin e Kobalto Terapisë, u detyrua të linte punën
25 Qershor, 21:46 -
U gjet i pajetë me tatuazhin ‘Korça’ në Belgjikë, thirrje për identifikimit e shqiptarit në 'Pa Gjurmë’! Mister shkaqet e vdekjes, dyshohet se familja ndodhet në Shqipëri
25 Qershor, 16:27 -
Ndodh e papritura në ‘Pa Gjurme’! Nëna dhe babai kërkojnë djalin e humbur, i riu i suprizon live: Jam mirë
29 Maj, 18:10 -
Pas apelit në ‘Pa Gjurmë’, bebja 11 muajshe e braktisur strehohet në Shtëpinë e Foshnjes! Koçiu: E trazuar nga ngjarja! Denonconi çdo rast
10 Prill, 15:53 -
Ekskluzive/ 'O marr atë o vetëflijohem!’ Babai i 14 vjeçares që u martua me 35 vjeçarin flet për ‘Pa Gjurmë’: Ma rrëmbeu, e pranova nga e keqja
12 Janar, 16:52 -
Varrimi i 33 vjeçarit që u vra nga kunati se abuzoi seksualisht me vajzën e tij, mungon motra, gruaja e autorit! Nuk shkojnë as shokët e viktimës: Ndihemi të turpëruar
12 Janar, 16:14 -
29-vjeçari Angjelo Avdiu u gjet i varur në Greqi, i vëllai në ‘Pa Gjurmë’: E njoha vetëm nga çakmaku! Ja çfarë dyshon policia
27 Nëntor 2023, 16:15 -
Gjashtë muaj pas vdekjes së Brisilda Nexhipit, reagon nëna: Vajza nuk bëri aksident, dyshoj se trupi u fsheh në morg!
23 Nëntor 2023, 17:19 -
'Artemis mbahet peng!' Prindërit e 19 vjeçares së zhdukur prej 3 vitesh në Greqi kërkojnë ndihmë në 'Pa Gjurmë'! Letra anonime dhe dëshmitë e reja
1 Nëntor 2023, 18:57 -
Lidhet live nga burgu me ‘Pa Gjurmë’, 37-vjeçari Artur Çollaku kërkon të rilidhet me familjen: Prej 8 vitesh në izolim nuk kam takuar askënd
30 Tetor 2023, 17:10 -
Historia e pabesueshme! U rrëmbye 13 vjeç gjatë luftës në Kosovë, 'Pa Gjurmë' e bashkon me familjen pas 24 vitesh
27 Tetor 2023, 14:15
