EKSKLUZIVE/ Nëna e 7-vjeçarit që humbi jetën nga shpërthimi në Gërdec: Vendimi i GJKKO për Mediun i turpshëm, gjyqtari u kërcënua! E zhgënjyer nga drejtësia e re

GËRDEC- Kur kanë kaluar 13 vite nga shpërthimi në Gërdec,  Zamira Durda nuk e ka marrë ende përgjigjen pse djali i saj i vogël, vetëm 7-vjeç Erisoni ka vdekur, pasi nuk e pranon që ishte një 'aksident teknologjik' dhe fajtorët edhe sot enden të lirë pa i hyrë “asnjë gjemb në këmbë”. Këtë e ka shndërruar në mision jete, e ndërsa sot është më e zhgënjyer se kurrë nga drejtësia e re, tek e cila shpresonte shumë. GJKKO refuzoi kërkesën e SPAK për të rihapur hetimet për Fatmir Mediun, ministër i mbrojtjes asokohe kur shpërtheu Gërdeci. Vendim i turpshëm dhe qesharak e ka quajtur ajo në intervistën ekskluzive për Report Tv e ndërsa hedh akuza në drejtim të gjyqtarit Erion Çela, duke thënë se është kërcënuar.

“Për mua ky gjyqtar ka marrë presion, në dhomë Këshillimi një gjyqtar i vetëm  nuk kishte nevojë që të mbyllej, vendim i turpshëm, qesharak. Kemi çuar në prokurorinë e rrethit, na thonë nuk kemi akses se është një çështje në gjykatën e lartë, është një vakancë institucionale, me prokurorinë kam qenë në gjyqe, në gjykatën e Apelit, me gjithë këto vendime nuk është hetuar kjo çështje. Kishim shpresa te SPAK se SPAK është krijuar për këto vepra dhe pushtetar dhe ish pushtetarë dhe pritëm që SPAK nuk kishte mendojë që t’i drejtohej gjykatës, por që të riniste vetë hetimet, kjo ishte një mundësi që SPAK të hetonte, nuk ka pse t’i drejtohej gjykatës. Ne i kemi bërë të gjitha hallkat, ca duhet të bëjmë me shumë. SPAK duhet të fillojë që nga emërim që ka marrë aksident teknologjik, më tregoni mua ku ishte teknologjia, Gërdeci më iku nga babëzia për para , më iku fëmija 7 vjeç, aty vepronte ushtria shqiptare, këtë përgjigje të më japin, pse nuk jeton fëmijë ime”, ka rrëfyer Durda.

Durda hedh edhe dyshime se pas këtij vendimi, ka dorë politika, e në këtë rast sipas saj janë bërë bashkë të gjitha palët në përpjekje për të mos lejuar që e vërteta të dalë në dritë. Megjithatë, si një nënë që ka humbur një copëz të shpirtit, nuk do të rresht së kërkuari drejtësi deri në Strasburg. 

“Me këto që ka ndodhur, patjetër që janë bashkë, ky vendim këtë thotë, por unë nuk do hesht, këtë çështje e kam në Strasburg. A ka jetuar në Shqipëri ky gjyqtar? S’na ka thirrur askush për të dëshmuar. Mbase për gjyqtarët dhe institucionet shtetërorë mund të mbyllet, por për ne familjarët nuk është mbyllur. Motivi i jetës sime është që të vendos drejtësi për Gërdecit, do vazhdoj se me Gërdecin janë bërë shumë, ata që e bënë, ata që e hetuan, e gjykuan, u gjykuan nga një bandë kriminale, ata s’janë asnjëri në sistemin e drejtësisë”, ka rrëfyer ajo për Report Tv.

Zhgënjimit nga drejtësia e re dhe politika i shtohet edhe ai për SHBA-në. Duke iu drejtuar me emër dhe mbiemër, ambasadores, Yuri Kim, Durda thotë se kjo e fundit nuk mund të flasë për drejtësi, në një kohë kur SHBA-ja i ka ofruar strehim, Luan Hoxhës, ish-shefi i shtabit të përgjithshëm të Ushtrisë, një person që ka dijeni për çështjen. Durda mjaftohet që të ketë një vendim nga gjykata shqiptare, edhe sikur fajtorët të marrin një dënim minimal.

“I drejtohem SHBA-së, ata mbajnë Luan Hoxhën në azil politik, një person që ka pasur dijeni dhe është i dënuar 6 vjet, e kaq mjaftohem, ca drejtësie më flet ajo mua”, shtoi ajo...

Dhimbja për humbjen e djalit të saj, kur ishte vetëm 7-vjeç i është kthyer në forcë dhe pavarësisht lodhjes dhe endjes në gjykata, nuk do e ndalë në rrugëtimin e saj për të kërkuar drejtësi...

“Sot e tij po festojnë ditëlindjen, ai i imi po tretet në dhe, pse, se doli të luajë me biçikletë ky është faji i tij?...”, përfundoi ajo.

Nga ai shpërthim i fuqishëm i 15 marsit të 2008 rreth orës 12:05 humbën jetën 26 persona, e ndërsa u plagosën mbi 300 të tjerë. Kjo ngjarje përfundoi dhe në dyert e gjykatave shqiptare, ende nuk ka asnjë person pas hekurave. 

Viktimat e Gërdecit
1. Qemal Deliu
2. Kore Deliu
3. Liljana Deliu
4. Jetmir Deliu
5. Flavio Deliu, 3 vjeç
6. Hysen Cani
7. Muhamet Hoxha
8. Besim Çanga
9. Roland Alla
10. Reshit Kruja
11. Mehmet Hazizi
12. Bukurie Cani
13. Arben Hasa
14. Zilie Kaca
15. Endri Dvorani
16. Shefki Cani
17. Zelije Leti
18. Ilirjan Malci
19. Shqipe Hasa
20. Azem Hamolli
21. Nafije Laçi
22. Zylfije Ahmeti
23. Erison Durda (Djali i Zamira Durdës)
24. Rajmonda Durda
25. Jetmir Ballazhi
26. Resmie Kranja

Përgatiti për Shqiptarja.com, gazetarja Brunilda Kazani 

Rendit zhvillimet sipas orarit:
Ora 15:20
GJKKO nuk rihapi hetimin për Mediun, vëllai i 7-vjeçarit: Ka drejtësi, por ka edhe vetëdrejtësi! Vendim i bazuar në miq

Vëllai i Erisonit, Geraldo Durda, i 7-vjeçarit që humbi jetën nga shpërthimi në Gërdec, ka kërcënuar për vetëgjyqësi. Vendimin e sotëm të GJKKO, Geraldo thotë se u tregua qartë frika e fajtorit për t’u përballur me drejtësinë.

“Qetësohu Eri gjaku jot nuk bëhet kurrë ujë. Mbahu, fort lali. Ka ligj po ka dhe maliq. Ka drejtësi po ka dhe vetëdrejtsi. SPAK të apeloj vendimin, të shkoj çështja në apel. Nuk dorëzohemi, nuk tërhiqemi. Beteja vazhdon. Një vendim i pabazuar në ligj, por në miq. Gjithsesi sërish dhe ky gjykim tregon frikën e fajtorit për t’u përballur me drejtësinë, i zhytur kokë e këmb në aferën e Gërdecit. Apelim, Apelim, Apelim”, shkruan Gerdaldo Durda.

 

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gege Kosova: 28/07/2021 09:40

    Kurre nuk do te thot se, Gjykata eshte vendi ku ndahet drejte drejtesia.Gjykata eshte vendi ku duhej te ndaheje-zbaohej ligji i se drejtes pa lakadredha,sepse,sic thohet ne nje urreti "e drejta nuk don mjehstri".Por, kete kohen, demokracine tone, e drejta ne gjykata ndahte si tek faketari,e paguan mire,apo ke ndikim te fuqishem,e drejta shkon ashtu sic thua ti, ne te kunderten, ajo "marohet", asht u sic e ka porositur porositesi.

    Përgjigju
  • Iris: 27/07/2021 23:43

    Eshte pozitiv fakti qe SPAKU vete do t'a apeloje,por akoma me mire eshte Stasburgu,ku duart e gjata te maskarenjeve te pol.shqiptare,nuk kane fuqi e mundesi,qe t'a manipulojne.

    Përgjigju
  • Jon: 27/07/2021 20:51

    Mos bëni kurrë mbrapa, jeta është luftë dhe vazhdon. E drejta është mm ju dhe mos e lini vetëm dikur do të vendoset,patjetër apelim dhe prapë apelim....kurajo

    Përgjigju
  • Arbeni: 27/07/2021 18:16

    Mediu duhet te varet ne gerdec...burre I poshter. ......

    Përgjigju
  • Sara: 27/07/2021 15:51

    Nje nene,nje baba,nje moter apo vella nuk duhet ta falin kurr gjakun e nje femije kur shteti nuk vepron

    Përgjigju
  • E pritshme: 27/07/2021 12:27

    Vendimi i GJKKO-se eshte trondites per familjaret e viktimave te Gerdecit. Por ata mos te bejn sikur nuk kuptojn arsyen e vertet. Sistemi i drejtesise i frikesohet familjes Berisha. Mos mendoni se jane rastesore deklaratat mediatike te Berishes ku ai shprehet vazhdimisht se "Sali Berisha nuk ka frike. Sali Berisha nuk terhiqet. Sali Berisha nuk i largohet konfliktit.". Nuk ka mafjoz apo vrases qe ngjall frike nder zyrtaret e Shqiperise sa ai.

    Përgjigju
  • Sondazhi i ditës:

    Sipas jush pas zhvillimit të dy Kuvendeve PD do të jetë?



×

Lajmi i fundit

John

Pesë kafshët që e ndryshuan përgjithmonë njerëzimin