Nëna iu gjet e vdekur, Piro Dhima: Filluam të shqetësoheshim kur s'po na përgjigjej në telefon! U nisa urgjent nga SHBA sapo mora vesh lajmin

Në një lidhje telefonike për Report Tv, kampioni i botës Piro Dhima, thotë se kontakti i fundit me nënën ka qenë me telefon, para 4 ditësh, ndoshta 1 ditë para se të ndërronte jetë, duke qenë se dyshohet që edhe pse u gjet sot e pajetë të ketë ndërruar jetë 3 ditë më parë, kur e kanë gjetur fqinjët.

Për Report Tv, Piro Dhima thotë se edhe ai edhe vëllai që jeton në Finlandë nuk e kanë braktisur nënës. Ai thotë se kanë pasur kontakte të vazhdueshme edhe pse janë larg.

“Ajo jetonte vetëm pasi nuk pranoi kurrë të vinte me mua në Amerikë”, thotë për Report Tv Piro Dhima. Ai thotë më tej se nëna gëzonte shëndet të plotë dhe nuk dëshironte të braktiste shtëpinë ku kaloi një jetë të tërë.

“Jam i shqetësuar dhe i prekur për atë se çfarë është deklaruar nga fqinjët për këtë ngjarje të rëndë që ka ndodhur në familjen tonë”, shprehet Dhima.

Pirro Dhima na zbulon se u njoftuan  nga të afërmit se çfarë ndodhi me nënën e tyre dhe me urgjencë udhëtuan nnjëri nga Finlanda dhe tjetri nga Amerika. Nëna e tyre u gjet e pajetë në oborrin e shtëpisë, dhe kujdesej vet për produktet bujqësore në një bahçe pranë shtëpisë ku kishte dhe bagëti.  

Lajmi kryesor:

EKSKLUZIVE/ Nëna iu gjet e vdekur e vetme në Himarë, flet për Report Tv Piro Dhima: 4 ditë më parë fola për herë të fundit, nuk pranoi të vinte në SHBA

K.T./Shqiptarja.com

TAG:
• Vlore
• himare
• Piro Dhima
• lefteri dhima