Një alarm i fortë, dhe vrapim nëpër shkallë për tu strehuar në bodrumin e ndërtesës... Ky është moment që duket në videon më lart, kur Oleksi Morozov nga Kiev, në përpjekje për të realizuar një lidhje live në Report Tv, ndërpret komunikimin dhe vrapon së bashku me fëmijët e tij për të shpëtuar jetën.
Strehimi në bodrum, ndërlikoi komunikimin, ndërsa gjithçka mbeti ishte një shpërthim i fuqishëm fare pranë ndërtesës.
Fatmirësisht nuk pati të lënduar, ndërsau rilidh komunikimin sërish me Report Tv. I fshehur në bodrum, Morozov u shpreh se të gjithë ishin shëndoshe mirë, por të shtënat vijonin.
"Ne dëgjojmë të shtëna dhe goditje herë pas here. Fëmijët janë të frikësuar, të dëshpëruar, duhet të tregohemi të kujdesshëm. Mesazhi është vetëm një, vetëm ndaloni luftën", tha ai.
I pyetur nëse është e mundur largimi nga vendi, Morozov u shpreh se forcat e ushtrisë Ruse ndodhen kudo.
"Është e vështirë të largohesh tani, e frikshme të lëvizësh në Kiev për shkak se është rrethuar nga forcat ruse dhe nuk është e sigurt të largohesh tani", tregoi ai.
Nga Kievi, Morozov u shpreh se nuk ndjehej i frikësuar, dhe se qytetarët kanë shprehur gatishmërin për të qenë në krahë të ushtarëve Ukrainas.
"Të gjithë kanë shprehur gatishmërinë për të qenë pjesë e kësaj lufte, kemi një grup special për të trajnuar qytetarët të luftojnë më forcat ruse ndërsa janë shpërndarë edhe armë për këdo që mundet dhe do t’i bashkohet kësaj lufte", tha ai.
Mes lotësh, dhe me zërin që i dridhej, babai i 3 fëmijëve, kishte vetëm një mesazh për botën: "Ju lutem ndalojeni këtë luftë, duam të jetojmë në paqe…"
Oleksii Morozov, një qytetar nga Ukraina po jep një intervistë për Report Tv nga bodrumi i një pallati, ku zbriti për t'u strehuar pas një sulmi me raketë që ndodhi fare pranë. Ai tregon se në bodrum janë strehuar rreth 150 persona, prej të cilëve rreth 30 janë fëmijë.
“Qeveria sigurisht na ka siguruar ushqimet. Ne dëgjojmë të shtëna dhe goditje herë pas here. Fëmijët janë të frikësuar, të dëshpëruar, duhet të tregohemi të kujdesshëm. Mesazhi është vetëm një, vetëm ndaloni luftën", tha ia për Report Tv.
Pjesë nga intervista për Report Tv:
Morozov: Jemi në rregull tani. Kemi zbritur poshtë, kemi dhe fëmijë. Jemi strehuar në bodrum
Sa persona janë aty me ty?
Morozov: Besoj se janë 150 persona dhe rreth 30 fëmijë
Çfarë ndodhi pak më parë, ne pamë shpërthim, a ishte larg jush?
Morozov: Ka qenë një alarm sulmi, ne zbritëm poshtë në bodrum, për një strehë. Unë po qëndroj këtu bashkë me gruan dhe fëmijë
A keni në plan të largoheni nga vendi, a është e mundur?
Morozov: Është e vështirë të largohesh tani, e frikshme të lëvizësh në Kiev për shkak se është rrethuar nga forcat ruse dhe nuk është e sigurt të largohesh tani.
Komente
Lajme të tjera
-
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 16:24 -
NATO dhe Ukraina takohen lidhur me raketën e re ruse
26 Nëntor, 08:23 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 07:56 -
Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik
25 Nëntor, 20:27 -
Zgjedhjet presidenciale në Rumani/ Sondazhet nxjerrin në avantazh kandidatin pro-evropian
24 Nëntor, 22:32 -
Zelensky kërkon më shumë sisteme për mbrojtjen ajrore në Ukrainë
24 Nëntor, 15:22 -
Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin
24 Nëntor, 12:38
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39
I ardhte nga mos e pritte e mos e kujtofte Putinit per ate tragjedi qe po i shkakton Ukraines per hyrmet te Nates se Mire qe eshte sot.
Përgjigju