EKSKLUZIVE/ Gjyqtarët e shkallës së parë dhe të apelit rimarrin pasaportat diplomatike e ato të shërbimit! Fitojnë ‘betejën’ me Qeverinë në Gjykatën e Lartë

Gjykata e Lartë

Gjykata e Lartë

Gjykata e Lartë ka marrë një vendim, duke u dhënë të drejtë gjyqtarëve të shkallës së parë dhe të Apelit dhe u ka rikthyer pasaportat diplomatike dhe ato të shërbimit. Qeveria ua kishte hequr që nga janari 2020.

Dy vite beteje gjyqësore, shoqata e gjyqtarëve fiton me vendim të gjykatës së lartë të drejtën për tu pajisur me pasaporta diplomatike dhe shërbimi. Qeveria u hoqi atyre në janar 2020 këtë privilegj, ndërsa padia u bë në gjykatë nga shoqata e gjyqtarëve përfaqësuar nga gjyqtari Erion Bani.

Bani njëherazi gjyqtar në gjykatën e posaçme e dërgoi ankimin rekurs në gjykatën e lartë e cila u dha atyre të drejtë. Me këtë vendim pasaportat u rikthehen gjyqtarëve të shkallëve të para dhe apelit në të gjithë vendin.

Gjyqtarët kërkuan konstatimin e cënimit të statusit të gjyqtarit nëpërmjet heqjes së pasaportës së shërbimit me Vendimin e Këshillit të Ministrave të datës 12 qershor 2019, që hyri në fuqi pas 6 muajsh.

Një tjetër argument i gjyqtarëve në këtë padi ishte edhe neni "138" i Kushtetutës ku sipas tyre flet për ta dhe statusin e tyre duke garantuar përfitimet dhe të drejtat që ju rrjedhin nga ky status. Ky vendim i qeverisë preku një sërë kategorish që kishin këto privilegje ndërsa reforma u ndërmor nga Ministria e Jashtme e cila së pari preku targat diplomatike, konsujt e nderit e më pas pasaportat e shërbimit dhe ato diplomatike.

Heqja e pasaportave diplomatike për 350 persona, mes tyre ish-deputetë që u ka mbaruar mandati ose gjyqtarë që nuk kanë kaluar procesin e vettingut, shoqëruesve të zyrtarëve ka qenë një vendim i marrë nga ministri i sapoemëruar atëherë në Punët e Jashtme, Gent Cakaj, vendim që kaloi në Këshillin e Ministrave disa muaj më vonë.

(Kliko këtu për të lexuar dokumentin e plotë)

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Një: 13/05/2022 07:17

    Një vendim që përforcon atë pë dihet nga të tërë, kemi drejtësinë më të korruptuar në rajon.

    Përgjigju
  • nandi: 12/05/2022 21:58

    shume mire. nepunesit e sitemit te drejtesise kane nevoje per benefite te tilla.

    Përgjigju
  • Tim: 12/05/2022 19:47

    Cfar lidhje kan kto me pashaportat diplomatik a jan ne terezi kto budallenj Zot na ruaj nga budallenjt

    Përgjigju
  • ky eshte kulmi: 12/05/2022 18:39

    Po ky eshte kulmi. Be cilin vend te Botes Pare, te Dyte apo te Trete keni degjuar se gjyqtareve i jepen pasaporta diplomatike. Kjo eshte per ti dhene mundesi per te rreshkit ne cdo lloj situate .... Ne perendim po jetojme por nje gje te tille nuk e kisha degjuar.

    Përgjigju
  • Askushi: 12/05/2022 18:35

    Se kuptoj për çfarë motivi ju duhen pasaporta diplomatike. Filluan me avazin e vjetër dhe këta. Na rroftë drejtësia e re.

    Përgjigju
  • Bravo: 12/05/2022 17:49

    Ka ndonjë gjyq që nuk e ka humb kjo qeveri?

    Përgjigju
  • zaku: 12/05/2022 17:43

    Ahaaaaa sa qesharake, pse cfar prisnit ju qe hajduti te mos mbroi hajdutin.....

    Përgjigju
  • UKU MOMLIT: 12/05/2022 16:09

    Hajt shqiptare të Shqiperise ju koftë dheu i lehte per drejtesine e re.....

    Përgjigju
  • Sondazhi i ditës:

    A jeni dakord që pagat e shqiptarëve të bëhen publike një herë vit?



×

Lajmi i fundit

John

Eurovizioni 2022, një mesazh për paqen, më tepër se sa një fitore për muzikën