Pothuajse gjysma e 298 vullnetarëve që e provuan këtë dietë për 5 muaj, në fakt, arritën të humbasin së paku 15 kg dhe diabeti i tipit 2 nga i cili vuanin u zhduk.
Eksperimentimi u krye në Newcastle dhe Glasgow, ndërsa rezultatet u botuan në revistën mjekësore Lancet.
Çdo ditë pjesëmarrësit në eksperimet duhej të konsumonin katër vakte të lëngshme.
Pas humbjes së peshës, dietologët më pas ndihmuan pacientët të rifillonin ushqime të shëndetshme.
Sipas të dhënave të publikuara rezulton se 46% e pacientëve që u bënë pjesë e eksperimentit u shëruan pas një viti, ndërsa në 86% të atyre që humbën 15 kilogramë peshë apo më shumë, u pa se diabeti i tipit 2 u zhduk dhe vetëm 4% u shëruan me terapitë që janë në përdorim.
Yndyra e trupit që grumbullohet rreth pankreasit shkakton stres në qelizat e tij, të cilat kontrollojnë nivelet e sheqerit në gjak dhe ndalojnë prodhimin e insulinës, duke e bërë spastrimin e sheqerit jashtë kontrollit. Me humbjen e yndyrës, pankreasi rifillon funksionimin e duhur në vend.
Redaksia Online
J.Sh Shqiptarja.com