POP 5

Lajmet më të lexuara të 5 minutave të fundit

Kronikë

Alarmi fals për eksploziv në makinën e gjyqtarit/ Dëshmia e të burgosurit: Unë e bëra! Gabimet do i paguajë me jetë, s'do i gjendet as kocka

Neim Behari, i burgosuri në burgun e Drenovës, në dëshminë e tij, ka pranuar se ka qenë ai që i ka marrë në telefon për  eksploviz në makinën e gjyqtarit, Markelin Kuqo mesditën e djeshme në Korçë. Ndër të tjera Behari k alëshuar edhe një kërcënim për gjyqtarin duke thënë se nuk do t'i gjenden as kockat. 

Alarmi fals për eksploziv në makinën e gjyqtarit/ Dëshmia e të burgosurit: Unë e bëra! Gabimet do i paguajë me jetë, s'do i gjendet as kocka

KORÇË- Neim Behari, i burgosuri në burgun e Drenovës, në dëshminë e tij, ka pranuar se ka qenë ai që ka porositur eksploviz në makinën e gjyqtarit, Markelin Kuqo mesditën e djeshme në Korçë. Ai më pas ka njoftuar policinë nga burgu i Drenovës duke thënë se gjyqtarit i është vendosur eksploziv. Por më pas gjithcka ka rezultuar alarmë fals pasi në makinë nuk është gjetur lëndë plasëse.

Në dëshminë përpara uniformave blu, që Shqiptarja.com e disponon, Behari ka hedhur akuza ndaj Kuqos, si një gjyqtar i korruptuar dhe këtë akuzë e argumenton se i ka kërkuar transferimin nga burgu i Drenovës, por nuk e ka marrë aspak parasysh, por edhe për çështje të tjera, të pazbardhura ende.

Ai e ka kërcënuar me jetë Kuqon, duke thënë se "vendimet e tij të gabuara, do t'i kushtojnë shumë, aq sa dhe nuk do t'i gjendet kocka".

"Lënda eksplozive është porositur nga unë. Gjyqtari Markelian Kuqo ka shkelur të drejtat e mia. Kam shumë çështje me gjyqtarin Markelian Kuqo. Ai është një mesazh dhe e kupton shumë mirë gjyqtari. Paralajmërova fillimisht por nuk e kam kërcënuar. I kam kërkuar transferim dhe as e ka marrë parasysh. Nuk është ai askush të tallet me mua. Vendimet e tij të gabuara do i kushtojnë me jetën e tij. Këtë ia kam thënë shume here. Dhe jam i bindur që s'do i gjendet as kocka e fundit. Me njohin të gjithë se kush jam dhe ku kam punuar më herët. I dënuar për vrasje jam dhe për këtë po vuaj dënimin. Jam dakord. Por të tallet një palo gjyqtar me të drejtat e mia nuk ia fal sa të kem jetë. Zbardhni të vërtetat dhe çdo gjë që ka lidhje me atë person. Është shkelës i ligjit ai dhe jo unë", mësohet të ketë thënë Behari. 

Neim Behar është arrestuar 21 mars të vitit 2005-ë për një vrasje horror të taksistit, ndërsa vendimi i formës së prerë është dhënë në 21 Janar të vitit 2010, duke e dënuar 25-vjeçarin me 24 vite burg. Autori ka kërkuar ulje të dënimit me pretendimin se vuan nga probleme mendore, por kjo nuk është vlerësuar nga Gjykata.

Ngjarja ndodhi ditën e djeshme, por e gjitha rezultoi një alarm fals. Ishte një telefonatë e mbërritur nga burgu i Drenovës, që ngriti të gjithë Korçën në këmbë, por pas kontrollit të njësisë anti-eksplozive, rezultoi të mos kishte sasi lënde plasëse. Markelian Kuqo është gjyqtari që liroi nga qelia Gert Gjinararin, i dënuar me burgim të përjetshëm për vrasjen e të konsideruarit i forti i Tiranës, Naim Zyberit, në vitin 1997 në Itali. Gjinarari u dënua me burgim të përjetshëm në Itali, por me sjelljen e dosjes në Shqipëri ai kërkoi gjykim të shkurtuar, duke pranuar të gjitha aktet e akuzës, çka e çon dënimin përjetë në 25 vite burg. Gjykata e Korçës, kryesuar nga kryetari Markelian Kuqo vendosi të pranojë kërkesën e Gjinararit për lirim me kusht, një vendim i marrë më 14 shkurt të këtij viti.

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça