Tregtia e mallrave vijon të tkurret me ritme të forta në krahasim me vitin e kaluar. Në muajin mars, eksportet u ulën me 21% krahasuar me vitin e kaluar, dhe regjistruan vlerën më të ulët prej 2020-ës. Në mars u shitën jashtë vendit mallra me vlerë 33 miliardë lekë, nga 42 miliardë që ishte në mars të 2023-shit.
“Defiçiti tregtar i këtij muaji është 42 mld lekë, duke u rritur me 8,3 %, krahasuar me Mars 2023 dhe duke u ulur me -0,4 %, në krahasim me Shkurt 2024”, thotë INSTAT.
Në këtë muaj në rënie ishin edhe importet të cilat arritën vlerën 75 mld lekë, duke u ulur me 7%, pasi vjet u blenë nga jashtë mallra me vlerë 81 miliardë lekë. Por rënia e eksporteve është më e thellë si tremujor.
“Në këtë tremujor eksportet e mallrave arritën vlerën 95 mld lekë, duke u ulur me -22,3 %, ndërkohë importet e mallrave arritën vlerën 209 mld lekë, duke u rritur me 0,4 %, krahasuar me një vit më parë. Deficiti tregtar arriti vlerën 114 mld lekë, duke u rritur me 32,8 %, krahasuar me të njëjtën periudhë të 2023”, thotë INSTAT.
Në këtë tremujor të parë të vitit kompanitë shqiptare kanë shitur më pak energji elektrike, tekstile dhe këpucë dhe materiale ndërtimi.
“Grupet që kanë ndikuar negativisht në uljen vjetore të eksporteve, janë: “Minerale, lëndë djegëse dhe energji elektrike” me -11,1 pikë përqindje, “Tekstile dhe këpucë” me -5,6 pikë përqindje, “Materiale ndërtimi dhe metale” me -3,6 pikë përqindje”, thuhet në raport.
Industria e tekstileve dhe këpucëve (fasoneria), prej më shumë se 2 vitesh është në rënie, ku shkaku kryesor është zhvlërsimi i valutës, pasi ata i shesin produktet e tyre në euro, ndërkohë që shpenzimet i kanë në lekë. Për pasojë në momentin që ata të ardhurat e tyre në euro i konvertojnë në lekë, fitimi i tyre ulet automatikisht. Euro aktualisht po këmbehet me 101 lekë, me rënie rreth 12 lekë krahasuar me vjet.
Të njëjtat produkte kanë ndikuar negativisht edhe tek importet, të cilat si tremujor janë rritur lehtë me 0.4% krahasuar me vjet, ndihmuar nga makineritë, pjesët e këmbimit dhe ushqimet e pijet.
“Si tremujor, importet janë rritur me 0,4 %, krahasuar me tremujorin e parë 2023. Grupet që kanë ndikuar pozitivisht në rritjen vjetore të importeve, janë: “Makineri, pajisje dhe pjesë këmbimi” me +4,8 pikë përqindje dhe “Ushqime, pije, duhan” me +1,4 pikë përqindje. Ndërsa negativisht kanë ndikuar grupet: “Minerale, lëndë djegëse, energji elektrike” me -3,0 pikë përqindje, “Tekstile dhe këpucë” me -1,5 pikë përqindje, etj”, vijon më tej raporti.
Shkëmbimet tregtare, për tremujorin e parë 2024, me vendet e BE-së zënë 58,8 % të gjithë tregtisë. Në periudhën Janar – Mars 2024, eksportet drejt vendeve të BE-së zënë 74,6 % të eksporteve gjithsej dhe importet nga vendet e BE-së zënë 51,7 % të importeve gjithsej. Partnerët kryesorë tregtarë janë: Italia (29,6 %), Turqia (9,6 %), Greqia (7,3 %) dhe Gjermania (7,1 %).
Lajme të tjera
-
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Tentoi të dilte nga Shqipëria me pasaportë bullgare false, arrestohet një turk në Portin e Durrësit
21 Nëntor, 13:29 -
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Inflacioni ‘ngec’ në 1.9% aq sa ishte dhe në shtator, por shtrenjtimi i ushqimeve nuk ndalon! Çmimet e zarzavateve edhe më të kripura sesa vjet
8 Nëntor, 16:53
-
Durrës/ Anija me mbetje ende në radë, Prokuroria sqaron vonesat: Derisa të sigurohen kushtet e duhura! Kërkesë disa institucioneve që të vënë në dispozicion laboratorë për analizat
1 Nëntor, 16:50 -
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18 -
ANALIZA e shifrave mbi nëndeklarimin/ Informaliteti në paga, një pjesë në dorë e tjetrën në bankë ‘krim ekonomik’ në kurriz të punonjësve
24 Tetor, 16:47
-
Sa të vjetra janë ndërtesat ku jetojnë shqiptarët? Dominojnë banesat e 1981-2000
20 Tetor, 07:45 -
Zhvlerësimi i valutave godet prodhimin vendas, në 9 muaj eksportet u ulën 47 mld lekë! ‘Made in Albania’ vlejnë më pak se vjet
18 Tetor, 21:06
-
Tregu i apartamenteve/ Të etur për prona, bum shitjesh të pasurive të paluajtshme! INSTAT: Në 6 muaj u shitën prona me vlerë 58 mld lekë
13 Tetor, 17:34
-
APP konfirmon zyrtarisht: Tenderi i Portit të ri Tregtar në Porto-Romano u anulua sepse nuk pati asnjë ofertë të përshtatshme!
11 Tetor, 17:01 -
Në burg për trafik armësh dhe grup kriminal, Apeli i GJKKO rrëzon kërkesën e Admir Tutaj për ndryshim mase! Në shtator u ekstradua nga Kolumbia
11 Tetor, 12:36
