POP 5

Lajmet më të lexuara të 5 minutave të fundit

Ekonomi

Eksportet në rënie 2.3 për qind në katër muajt e parë të vitit

Pas një përmirësimi të lehtë në mars, ato i janë rikthyer sërish tkurrjes së lehtë në muajin prill, me -0.24%. Si rrjedhojë, për 4 mujorin u eksportuan jashtë vendit mallra me vlerë 99 miliardë lekë, me një rënie prej 2.3% në raport me janar-prillin e 2018-s.

Eksportet në rënie 2.3 për qind në katër muajt e parë të vitit

Muajt e parë të këtij viti nuk kanë qenë pozitivë për ecurinë e eksporteve. Pas një përmirësimi të lehtë në mars, ato i janë rikthyer sërish tkurrjes së lehtë në muajin prill, me -0.24%. Si rrjedhojë, për 4 mujorin u eksportuan jashtë vendit mallra me vlerë 99 miliardë lekë, me një rënie prej 2.3% në raport me janar-prillin e 2018-s.

Performanca e dobët në prill ishte kryesisht nga “Minerale, lëndë djegëse, energji elektrike”, eksportet e të cilit u përgjysmuan. Edhe për katërmujorin, eksportet e këtij grupi ranë me 25% me bazë vjetore, duke zbritur në gati 15 miliardë lekë (15% e totalit, duke kaluar në grupin e tretë më të madh të eksportuar).

Tekstilet dhe këpucët e kanë rimarrë veten, pas rënies së lehtë të muajve të parë, duke rikuperuar në prill. Për 4-mujorin, ky grup, që është më i madhi, me gati 42% të totalit të eksporteve, ka shitur jashtë 41 miliardë lekë mallra, me një rënie të lehtë prej 0.6%.

Materialet e ndërtimit dhe metalet, kanë kaluar sërish në grupin e tretë më të madh në vend me 16% të totalit. Eksportet për 4-mujorin ishin 16 miliardë lekë, me një rënie prej 8% me bazë vjetore, por që vjen nga performanca negative e dy muajve të parë, ndërsa në prill u rritën me 13%.

Në rritje të ndjeshme ishin dhe eksportet e ushqimeve, pijeve dhe duhanit, që u zgjeruan me 18%, duke përbërë 10% të totalit të eksporteve.

Deficiti tregtar arriti vlerën 106 miliardë lekë, duke u rritur me 8.9%, krahasuar me 2018-ën.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Ylli Pata: Impakti politik i zbritjes së Berishës nga kati i tetë

Ylli Pata: Impakti politik i zbritjes së Berishës nga kati i tetë

30 Nëntor, 21:15 nga Ylli Pata