POP 5

Lajmet më të lexuara të 5 minutave të fundit

Ekonomi

Eksporti rritet 17% në vlerë në periudhën janar-prill 2018

Ndërsa të dhënat progresive tregojnë se për katërmujorin e parë të vitit, eksportet arritën në 101 miliardë lekë, 17% më shumë kundrejt të njëjtës periudhë të një viti më parë.
Eksporti rritet 17% në vlerë në periudhën janar-prill 2018

Porti i Durresit

Bilanci tregtar i vendit u përmirësua sërish gjatë muajit prill. Sipas Institutit të Statistikave, gjatë prillit deficiti në tregtinë e mallrave u ngushtua me rreth 1% me bazë vjetore. Për katër muajt e parë të vitit, deficiti tregtar ishte rreth 97 miliardë lekë, me një rritje të lehtë prej vetëm 1% krahasuar me katërmujorin 2017. Stabilizimi i deficitit tregtar i detyrohet kryesisht rritjes së eksporteve, që edhe për prillin regjistruan një rritje vjetore me 11%.

Ndërsa të dhënat progresive tregojnë se për katërmujorin e parë të vitit, eksportet arritën në 101 miliardë lekë, 17% më shumë kundrejt të njëjtës periudhë të një viti më parë.

Fasonet vazhdojnë të dominojnë eksportet shqiptare, me 41% të totalit, megjithatë, kontributin kryesor gjatë prillit e dha rritja e eksporteve të lëndëve të para në grupin “minerale, lëndë djegëse energji”. Eksportet e këtij grupi për katërmujorin u rritën me 41% krahasuar me të njëjtën periudhë të një viti më parë. Kjo rritje mund të jetë e lidhur me shtimin e eksporteve të energjisë, por edhe me përmirësim të eksporteve të lëndëve të para dhe sidomos të naftës bruto.

Importet e mallrave për prillin u rritën me 4.9%, ndërsa për gjithë katërmujorin rritja ishte 8.4%. Rritja e importeve është e shpërndarë në pothuajse të gjitha grupmallrat, ndërsa ritmet më të larta të rritjes edhe këtë vit po i regjistron grupi i makinerive dhe pjesëve të këmbimit.

Deri tani, rritja e importeve nuk po jep ndikim të madh te deficiti tregtar i vendit, falë rritjes më të lartë të eksporteve, por edhe forcimit të lekut në kursin e këmbimit valutor. Duke qenë se në vlerë importet janë më të mëdha se eksportet, mbiçmimi i lekut e ndikon pozitivisht bilancin tregtar dhe kontributin e sektorit të jashtëm në rritjen ekonomike.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça