Ekspozita,në telajon e piktorëve 
të Fierit, vlerat kulturore e natyrore 

FIER - Vlerat kulturore, natyrore dhe historike të qytetit të Fierit janë hedhur mbi telajo nga piktorë të ndryshëm shqiptarë dhe ata nga Kosova. Në ekspozitën e organizuar në Galerinë e Arteve në Fier, pas një rrugëtimi artistik, piktorët kanë shfaqur qytetin e Fierit në punimet e tyre duke nxjerrë në pah faktet me karakteristike të kësaj zone.

Pandi Lena, drejtori i Galerisë së Arteve në Fier dhe deputeti i zonës Fatmir Toçi veçuan rëndësinë e kësaj ekspozite për vlerat që ajo përcjell.

Kjo nismë e marrë nga Bashkia e Fierit synon promovimin e kësaj zone si një atraksion turistik për vlerat që ajo mbart. Në pah dalin qendrat historike si ajo e Apolonisë, Bylisit, Ardenicës. Disa prej punimeve më të mira të kësaj ekspozite do të mbesin në fondin e Galerisë së Artit Fier.
 
Redaksia Online
(a.h/shqiptarja.com)