Ekspozita për Skënderbeun me
vepra e antikuarë të rrallë

Një ekspozitë madhështore me dokumente, piktura dhe relike të rralla për Heroin tonë Kombëtar Skënderbeun është e hapur për publikun ditën e mërkurë dhe të enjte nga ora 10:00 deri në 22:00 të mbrëmjes. Ekspozita nis me këtë imazh spektakolar të vulës së akteve shtetërore të Gjergj Kastrioti Skënderbeut.

Në pallatin e Kongreseve është krijuar enkas një sallë për të kundruar vulën që ka përcaktuar fatin e historisë tonë në shekuj. Më tej në ekspozitë vihen re imazhe të Skënderbeut, libra historikë dhe artistikë për jetën dhe veprën e tij dhe artefakte autentike, një pjesë e mirë kanë fjetur gjatë në arkiva, dhe janë të pashfaqura më parë.

Objekti më i rrallë daton i shkruar në Milano në vitin 1473, kopja e të cilit gjendet në Bibliotekën Kombëtare në Tiranë. Është epistola e Papa Piut, në të cilën përmendet Skënderbeu dhe Arbëria si faktorë në përgatitjen e një kryqëzate të madhe anti-osmane. Më tej është historia e Skëndebeut e Marin Barletit e shkruar e shkruar në Romë në vitet 1508-1510.

E panjohur për publikun është edhe poema heroike e Margherita Sarroçhi, “La Skanderbeg”, e shkruar në Romë në vitin 1623. Kjo poemë është një tregues sesi Skëndeebeu hero i Kohës frymëzonte edhe penën delikate të një prej grave më të kulturuara të kohës së saj. Dhjetëra nga dokumentet, fotografitë, pikturat dhe shkrimet e rralla rrëfejnë se historia e Skënderbeut është një faqe ende pashkruar qartë në historinë shqiptare.

Ekspozita është çelur me rastin e 550 vjetorit të vdekjes se Gjergj Kastriotit Skënderbeut në Pallatin e Kongreseve.  

[gallery]25355[/gallery]

Redaksia Online
D.T/Shqiptarja.com