TIRANE - Interpol Tirana ka bërë ekstradimin nga Greqia, drejt vendit tonë, të shqiptarit, Artan Muça, 38 vjeç, nga Mati.

Ekstradimi i tij është bërë pasi, Gjykata e Rrethit Gjyqësor Tiranë, me vendimin të datës 15 maj 2010, e ka dënuar Muçën, me 1 vit burg, për veprën penale të “vjedhjes”.

Artan Muça, akuzohet se në datën 24 korrik 2009, i ka vjedhur automjetin një qytetari në Tiranë, për të cilin i dëmtuari ka bërë kallzim në Komisariatit numër 3. Arrestimi me qëllim ekstradimin i tij u bë më datën 13 mars 2013. 

Në aeroportin “Nënë Tereza” në Rinas Muça i është dorëzuar përfaqësuesve të Drejtorisë së Përgjithshme të Burgjeve.
 
(sg/shqiptarja.com)