Ekzekutimi i biznesmenit shqiptar në Greqi/ Daja i viktimës: E hodhi trupin në një pyll ku mund ta hanin egërsirat! Gentjani ishte model

KORÇË- Meçan Hoxha, daja i biznesmenit shqiptar të vrarë në Greqi, Gentjan (Xhani) Topalli, ka dhënë detaje të tjera lidhur me ekzekutimin e të afërmit të tij. Në intervistën e bërë për mediat, Hoxha e përshkruan Topallin si një djalë shumë punëtor, teksa thotë se vrasja ka ndodhur për shkak të një borxhi që i kishte autori. Më konkretisht autori ka qenë pronar i një hoteli që ka kryer punimet me firmën e ndërtimit të viktimës. Autori nuk e kishte likuiduar viktimën prej gati 6 vitesh për punimet e kryera.

“Është një situatë shumë e dhimbshme, e papritur befasuese e pamerituar. U njohëm me situatën para dy javësh, në fillim na thanë që Genti ka humbur pa adresë dhe pa arsye. Shteti grek u vu në lëvizje për gjetjen e Gentit dhe e gjeti bashkë me kriminelin.

Krimineli grek është një që i turpëron grekët.Genti kishte 23 vite në Rodos së bashku me familjen e tij. Bëhet fjalë për një pronar të një hoteli që ka kryer të gjitha punimet me firmën e Gentit ky i fundit kishte biznes ndërtimi. Ai nuk e ka likuiduar prej 6 vitesh Gentin sa herë që vinte puna për t’u likuiduar ai ka shtirë sebeb tjetër.

LEXO EDHE:
Rritet çmimi i apartamenteve në Korçë dhe Pogradec, deri në 1 mijë € metri katror! Agjenti imobilar: Kërkesa të larta nga Tirana e Durrësi! S’mbetet pas as diaspora

Duke qenë se nuk ishte korrekt me pagesat e çuan cështjen në gjyq dhe u vendos që jo vetëm të paguhen detyrimet, por të konfiskohet hoteli për 4 vite në interes të Gentit. Genti kishte shumë virtyte dhe duke e ditur këtë gjë ai hilamani i Greqisë e shfrytëzoi, kur e humbi gjyqin që duhet t’ja jepte Gentit hotelin, ai ju lut dhe Genti ja la vazhdo të punosh i tha.

Dhe punoi, por iu mbush kupa dhe sivjet i duheshin me patjetër lekët se punimet i kishte me lek borxh do likuidonte punëtorët e vet dhe i kërkoi lekët, ai i premtoi që do ia japë dhe një ditë nga këto e ftoi që t’ja japë leket ndërkohë ai përgatiti kurthin për ta hequr qafe që mos kishte detyrime ndaj tij.

Ai të gjitha gjërat i ka patur të parapërgatitura derisa ta ftonte për të marrë lekët. Genti e besoi dhe vajti, atje nuk mori lekët por humbi jetën e tij.

Si ishte përgatitur për ta vrarë?
Padiskutim përderisa atij i janë gjetur të gjitha mjetet, litari nuk gjendet rastësisht, që është goditur tinëz, se ai ishte një div i vërtetë që se mbanin dot dy veta, nuk mund ta zinin peng vetëm sa mund ta vrisnin. Policia greke është në vazhdim të ngjarjes, është treguar shumë korrekte, policia greke e zbuloi vrasësin dhe ai s’kishte si mashtronte më, por zbuloi vendin ku e kishte hedhur.

Ai dhunoi dhe kufomën e tij, e mori e hodhi në një pyll të shkretë ku nuk mund të gjendej ku mund ta hanin egërsirat. Gentiani ishte modeli i familjes, djalit, shokut, i ka respektuar të gjitha detyrimet, ka respektuar edhe vizitat në vendlindje”, tregon ai.

Vdekja e biznesmenit 46-vjeçar shqiptar, Gentjan Topalli që jetonte në Rodos u shkaktua nga dy goditje të forta në kokë. Kështu thotë ekspertiza mjeko-ligjore e bërë nga autoritetet greke. Babai i tre fëmijëve u gjet i pajetë 3 ditë më parë në zonën mes Psinthos dhe Afandos.

Topalli përcillet për në banesën e fundit në Buçimas të Pogradecit, në orën 11.00

Viktima Gentjan Topalli

B.K./Shqiptarja.com

TAG:
• pogradec
• gentjan topalli
• greqi
• Korce