POP 5

Lajmet më të lexuara të 5 minutave të fundit

Kronikë

Vrasja e Regis Runajt/ Burg për 2 vrasësit me pagesë, 'kyçin gojën: S'ndjehemi mirë! Seanca nën masa të rrepta sigurie (VIDEO)

Në masa të rrepta sigurie, Xhuljo Hoxhaj e Euglen Halilaj, dy vrasësit me pagesë të 23-vjeçarit Regis Runaj, kanë dalë para gjykatës ku janë njohur me masën e sigurisë "Arrest me burg". Ata janë gjithashtu të dyshuar si të përfshirë edhe në ekzekutimin e Emiljano Ramazanit. Vendimi u dha nga gjykata e Elbsanit, ndërsa dy të akuzuarit kanë heshtur duke thënë se "nuk ndjehemi mirë"

ELBASAN- Xhuljo Hoxhaj dhe Euglen Halilaj, të akuzuar për vrasjen e 23-vjeçarit Regis Runaj do të qëndrojnë në burg deri në përfundim të hetimeve.

Masa e sigurisë u dha sot nga Gjykata e Elbasanit, në një seancë me dyer të mbyllura që zgjati më pak se një orë.  Gjyqtarja Pajtime Fetahu, ka pranuar kërkesën e prokurorit Kreshnik Ajazi duke lënë në burg dy të rinjtë, që dyshohet se janë vrasës me pagesë.

Mbërritja e tyre në gjykata u bë nën masa të forta sigurie dhe pa asnjë familjar të pranishëm.

Regis Runaj dhe Euglen Halili

Regis Runajt u gjet i masakruar me thikë pranë varrezave të Elbasanit, mbrëmjen e 29 korrikut. Dy autorët dyshohet se kanë konsumuar lëndë narkotike bashkë me viktimën e më pas e kanë goditur me thika.

 Një ditë më parë policia e shtetit tregoi provat që fajësojnë Xhuljano Hoxhën dhe Euglen Halilin për vrasjen e Regis Runaj. Këta dy persona dyshohet se janë përfshirë edhe në ekzekutimin e Emiljano Ramazanit, ngjarje kjo e ndodhur më 20 korrik. Regis Runaj dhe Emiljano Ramazani ishin miq të ngushtë me njëri-tjetrin ndërsa u vranë njëri-pas tjetrit brenda 9 ditësh në Elbasan. Ende nuk ka të dhëna për porositësit e këtyre vrasjeve, ndërsa dy ekzekutorët kanë kyçur gojën në gjykatë duke thënë se "nuk ndihen mirë".

 Për vrasjen e Ramazanit janë arrestuar më herët Albert e Seit Manahasa, babë e bir, pasi në biznesin e tyre u gjet pistoleta me të cilën u krye krimi.

Rendit zhvillimet sipas orarit:
Ora 11:20
U paguan për të vrarë 23-vjeçarin Regis Runaj, burg pa afat për dy autorët! Momenti kur dalin nga gjykata (VIDEO)

"Arrest me burg" ka caktuar gjykata e Elbasanir për Xhuljo Hoxhajn e Euglen Halilajn. Seanca ka zgjatur shumë pak, teksa siç shihet në videon që Report Tv sjell largimi i tyre nga ambientet e gjykatës, njësoj si ardhja, u bë nën masa të forta sigurie.

B.K./Shqiptarja.com

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ...: 10/08/2020 16:49

    Nuk flasin ato,se do i rregullojn punet me leke.Pajtime Fetahu asht njish per t'marr lek. Nuk paska veting qé ti baj derman ksaj mostre. Shikoni kur te dalin palag,te pafajshem. Pajtimja e ban kriminelin engjell per leke.

    Përgjigju
  • Kafsha: 10/08/2020 14:38

    Burg të përjetshëm meqenese nuk flasin!

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51