ELBASAN- Një pasuri që kap vlerën e 500 mijë eurove i është sekuestruar dy grabitësve të Rinasit, Klement dhe Eldi Çalës, prej muajsh në arrati për vjedhjen e 4.6 milion eurove nga barku i avionit. Policia e Elbasanit ka finalizuar operacionin e koduar “Kusarth”, me pretendimin se aksionet, apartamentet dhe truallet, në pronësi të dy vëllezërve janë përfituar nga aktiviteti kriminal. Mësohet se janë sekuestruar:
-1 apartament me sipërfaqe 50 m2, në qytetin Elbasan;
-pasuri e llojit arë + truall me sipërfaqe 500 m2 dhe një ndërtesë e llojit njësi me sipërfaqe 167,9 m2 e ndërtuar mbi këtë pasuri, në vendin e quajtur Kusarth, Elbasan;
-pasuri e llojit arë me sipërfaqe 809,5 m2, mbi të cilën është regjistruar kontrata e sipërmarrjes për ndërtimin e 3 vilave nga 1 kat + nënçati me sipërfaqe 166 m2 secila, me vlerë investimi 15.662.000 secila, në vendin e quajtur Kusarth, Elbasan;
-50 % e aksioneve të një shoqërie në zotërim të shtetasit E.Ç, në vendin e quajtur Bradashesh, Elbasan. Nga vlerësimi paraprak i pasurive të sipërshënuara, rezulton se ato kapin vlerën rreth 500.000 Euro.
Uniformat blu bëjnë të ditur se po vijojnë hetimet dhe verifikimet për evidentimin e pasurive të tjera të luajtshme dhe të paluajtshme në emër të Klement Çalës ose familjareve të tij.
![](https://shqiptarja.com/template/img/NO_ALFA_Kuadrate shqiptarja.png)
Kush është Klement Çala, për të cilin policia ka vënë 10 mijë Euro shpërblim për kapjen e tij?
Klement Çala 31 vjeçari nga Elbasani është në kërkim për super-grabitjen e ndodhur në pistën e aeroportit të Rinasit më 9 prill. Ai është një emër i njohur për drejtësinë shqiptare, pasi është shpallur në kërkim edhe në vitin 2017 për grabitje së bashku me Admir Muratajn. Të dy të përfshirë në grabitjen e autoblindave në Qafë-Kashar që po shkonin drejt aeroportit të Rinasit në shkurt 2017. Lidhja e Muratajt me Çalën është më e hershme. Ai ka qenë i akuzuar nga Greqia për grabitjen e 1 milionë eurove bashkë me Admir Muratajn të Bankës Kombëtare Greke në qendër të qytetit të Larisës dhe është shpallur në kërkim që prej vitit 2013. Çala është ndër pjesëtarët e grupit të Ilir Kupës që u arratisën nga burgu i Trikallës në Greqi më 22 mars 2013 dhe së bashku me Admir Muratajn u fshehën në Shqipëri. Çala ishte identifikuar si autor i plagosjes së një efektivi të policisë greke dhe vrasjes së një qytetareje të pafajshme gjatë shkëmbimit të zjarrit me trupat e policisë.
Grabitja e 4.6 mln euro në Rinas
Në datën 9 prill u grabitën nga barku i avionit në Aeroportin e Rinasit 4.6 mln euro. Për grabitjen në qeli ndodhen7 persona, i cilësuari si daja nga Kosova Ragio Hajdini, Elton Pikli, Renaldo Sulaj, Oltion Veseli, Saimir Cela, Alkond Bengasi dhe Hasan Kanaci ndërsa i vrarë nga shkëmbimi i zjarrit me policinë ditën e ngjarjes mbeti organizatori i grabitjes Admir Murataj. Në kërkim janë dy vëllezërit Klemend e Eldi Cala si dhe bashkëpunëtori i tyre Talo Cela.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)