Elbasan, mbifaturimet, Maçi:Gabim
njerëzor,hoqëm nga puna punonjësin

Mbifaturimi i energjisë elektrike për qytetarët e Elbasanit është kthyer në një mollë sherri mes të majtëve dhe të djathtëve në këshillin Bashkiak të qytetit, i cili ka thirrur në një relacion kreun e OSHEE-së i cili ka thënë se ky ka qenë një gabim njerëzor dhe se për këtë është larguar nga detyra punonjësi.

“Nuk ka pasur mbifaturime. Ka pasur gabim njerëzor dhe kemi marrë masa deri në largim nga puna” tha ai.

Por ky pretendim i kreut të Operatorit të Shpërndarjes së energjisë Elektrike Bukurosh Maçi është kundërshtuar nga këshilltari demokrat Himçi i cili ka thënë se kjo është e pafalshme.

“Të thuash që nuk ka pasur mbifaturim të energjisë elektrike është një gënjeshtër e madhe”.
 
Ndërkohë, kryetari i Bashkisë Elbasan, Qazim Sejdini tha se ky është një shqetësim i qytetarëve dhe duhet verifikuar.

“Është shqetësimi i qytetarëve dhe duhet verifikuar çdo mbifaturim” tha Sejdini.

Redaksia Online
(F.T/shqiptarja.com)