ELBASAN - Në rrethin e Elbasanit, situata si pasojë e motit të keq është e qetë dhe pa probleme, përsa i takon qarkullimit të mjeteve.
Sipas ATSH, përjashtim bën vetëm komuna Labinot-Mal dhe konkretisht fshatrat, Benë, Shmil, Lugaxhi, Qarret, Qafë dhe Labinot Mal, ku rrugët që lidhin këto fshatra me Komunën janë të bllokuara nga debora dhe proçesi mësimor është ndërprerë për shkak të kushteve atmosferike.Gjithashtu të bllokuara aktualisht janë edhe rrugët rurale, të cilat lidhin komunën Stëblevë me fshatrat në varësi ku edhe në këtë zonë është i bllokuar proçesi mësimor për shkak të kushteve atmosferike. Pa problem vijon proçesi mësimor në rrethin e Gramshit si edhe mjetet qarkullojnë lirshëm në këtë rreth.

(aq/shqiptarja.com)