Elbasan- 90 vjeçari me iniciale F.Zh., është dëmtuar për shkak të zjarrit në banesën e tij në lagjen "Beqir Dardha" në Elbasan.

Ndodhej i vetëm në banesë kur befas ka shpërthyer zjarri dhe i moshuari është ndodhur mes flakëve në katin e dytë të një pallati.

Kanë qenë thirrjet e 90 vjeçarit për ndihmë si dhe tymi e flaka që po dilnin nga dritaret që kanë tërhequr vëmendjen e komshinjve të cilët kanë kërkuar menjëherë ndihmën e zjarrfikësve dhe policisë, ndërkohë që janë përpjekur të japin ndihmën e parë.

I moshuari është dërguar menjëherë për ndihmë mjekësore në spitalin Kirurgjik Elbasan dhe ndodhet nën kujdesin e mjekëve.

Nga hetimet paraprake rezulton se shkak i rënies së zjarrit dyshohet të ketë qenë përdorimi i një prej pajisjeve elektrike.

Shkak i rënies së zjarrit dyshohet të ketë qenë përdorimi i pajisjes elektrike.

[gallery]25199[/gallery]

 

 

Redaksia Online
Xh.F/Shqiptarja.com