Një aksident automobilistik në qytetin e Elbasanit ka shkaktuar plagosjen e tre të rinjve.

Aksidenti ka ndodhur sot, rreth mesditës, në qendër të qytetit përpara teatrit “Skampa”. Një makinë është përplasur me një motor me targa Tirane.

Nga aksidenti ka mbetur e plagosur lehtë drejtuesja e makinës Borena Gjuzi, ndërkohë që dy të rinjtë që udhëtonin me motor, Gazmir Hakaj dhe Blerina Capaj, janë në gjendje të rëndë.

Dyshohet se shkak i aksidentit janë bërë shpejtësia me të cilën udhëtonin mjetet. ah/shqiptarja.com/