Vijojnë lëvizjet në drejtoritë e policive në qarqe. Ditën e sotme janë emëruar drejtorët e rinj në Shkodër, Lezhë, Korçë dhe në Gjirokastër. Vehbi Bushati është emëruar Drejtor i Policisë së Shkodrës. Bushati zëvendëson në këtë detyrë Gjovalin Lokën, i cili dy ditë më parë u emërua Drejtor i Departamentit të Sigurisë Publike në Policinë e Shtetit.

Bushati vjen në Shkodër pas një karriere të gjatë në Policinë e Shtetit, ku ka mbajtur detyra të rëndësishme si shef komisariati në disa rrethe të vendit, zëvendësdrejtor dhe drejtor në qarqet: Shkodër, Lezhë, Dibër, Korçë, Vlorë.

Gjithashtu, Bushati ka mbajtur detyra të rëndësishme dhe në Drejtorinë e Përgjithshme të Policisë së Shtetit si Drejtori i Krimeve e së fundi prej 4.5 vjetësh mban detyrën e zëvendësdrejtorit të drejtorisë së Antiterrorrit, një prej drejtorive më të rëndësishme dhe më të vlerësuarat nga partnerët tanë ndërkombëtare.

I pranishëm në prezantimin e tij ka qenë ministri Xhafaj, por edhe drejtori i policisë së shtetit, Veliu. Pas Shkodrës, ministri i Brendshëm Fatmir Xhafaj ka udhëtuar për në Lezhë, pasi është prezantuar edhe atje drejtori i ri Ferdinand Mara. Lajmi për emërimin e tij është zyrtarizuar sot, ndërsa do të zërë vendin e Bledar Çeliut, i cili është emëruar te Task Forca në Tiranë.

Ndërkohë që në Korçë është emëruar Lorenc Panganika, i cili më parë ka mbajtur këtë pozicion në qarkun e Gjirokastrës. Panganika merr detyrën të hënën si drejtor i Policisë Korçë, në vendin e tij në Gjirokastër është komanduar zv/ drejtori Koço Dafa.vehbi bushati
Me rreth të kuq Vehbi Bushati, drejtor në Shkodër

 

Emërimet e tjera të firmosura nga Ardi Veliu
Aida Hajnaj zëvendësdrejtor i Përgjithshëm i Policisë së Shtetit

Rebani Jaupi Drejtor në Drejtorinë e Menaxhimit të Informacionit dhe Mbrojtjes së të Dhënave

Gjovalin Loka Drejtor i Departamentit, në Departamentin për Sigurinë Publike

Theodhori Gravani Drejtor i Departamentit në Departamentin për Shërbimet Mbështetëse

Shaban Nexhi emërohet Drejtor i Drejtorisë se Migracionit për Kufirin dhe Migracionin

Enkeleda Toska Drejtor i Drejtorisë se Kufirit dhe Migracionit Tiranë

Andi Likaj Shef Sektori, në Sektorin (Zyra) Qendrore Kombëtare, INTERPOL

Shkelzen Rexhepi emërohet Shef Sektori, në Sektorin (Zyra) Kombëtare Europol

d.c/d.b/shqiptarja.com