Nisi sot (16 tetor 2024) zbatimi i marrëveshjes Shqipëri - Itali për emigrantët, ku anija “Libra” e marinës italiane, me 16 emigrantë në bord, 10 nga Bangladeshi dhe 6 egjiptianë, zbarkoi në Portin e Shëngjinit.
Lidhur me këtë marrëveshje u diskutua edhe ditën e sotme në emisionin ‘Përballje’, në Report Tv, ku avokati Arbër Hoxha, u shpreh se kjo marrëveshje nuk cënon sovranitetin e vendit.
Avokati tregoi se në momentin kur një nga emigrantët që do të vendosen në kamp do të kryej një vepër penale, atëherë gjykimi i tij do të bëhet sipas dispozitave ligjore të Italisë.
“Unë do pyesja, a cënohet sovraniteti i vendit nga kjo marrveshje? Jo nuk cënohet sovraniteti i vendit nëpërmjet kësaj marrveshje. A cënohen të drejtat e njeriut? Bëhet fjalë për Italinë që është lider në respektimin e të drejave të njeriut, janë rreth 12 konventa që mbrojnë të drejtat e tyre, unë nuk besoj se do të cënohen të drejtat e tyre sa kohë që menaxhmenti do të jetë nga autoritetet italiane. Nuk quhet heqje lirie. Nëse një nga ata persona do të kryejë një ose disa vepra penale në territorin e qëndrës do të gjykohen sipas despozitave ligjore italiane, për aq kohë sa ata janë në territorin e republikës së Shqipërisë që do të thotë që do të hyjnë në lojë mekanizmat e ndihmës së ndërsjelltë juridike dhe të ekstradimit”, tha ai.
Por, avokati dhe aktivisti Gentjan Serjanaj, u shpreh kundër kësaj marrëveshje. Sipas tij, duhej një trajtim ndryshe nga shteti italian për persona që janë me specifika të veçanta.
‘Vetë Gjykata Europiane e të drejtave të njeriut ka një vendim kundër shtetit Italian për një marrëveshje të tillë me Libinë që e ka gjetur në shkelje të konventës për të drejatat e njeriut dhe së dyti ka mendime pakice që është marrëveshje në shkelje të kushtetutës për mënyrën se si është lidhur marrveshja me Ramën dhe Melonin. Mendoj se kemi një lloj trajtimi jo të barabartë ndaj tyre, aty mund të kenë persona që janë me orientime të ndryshme seksuale që duan një trajtim ndryshe nga pjesa e emigrantëve të tjerë. Duhet që Italia të kishte procese administrative të shpejta për persona me specifika të veçanta dhe procese normale për persona që s’kanë asnjë specifik të veçantë", tha ai.
Për politologun Alban Daci marrëveshja për emigrantët nuk ka pasur transparencë.
Në një lidhje skype nga Italia për emision 'Përballje' në Report Tv, Daci u shpreh se edhe BE e ka cilësuar si një eksperiment.
"Është një marrveshje që vjen për herë të parë dhe ka hapur një debat të madh si në Itali dhe në Shqipëri. Marrëveshja nuk ka pasur shumë transparencë dhe është bërë publike vetëm pak para se të nënshkruhej. Ka pasur diskutime edhe lidhur me mënyrën e implementimit. Kjo marrëveshje nuk është perfekte dhe protagonistët e konsidrojnë si eksperimet, po ashtu kështu është thënë edhe nga BE. Nuk është një politikë europiane. Është probematika e ndarjes së familjes dhe seleksionimi vetëm i meshkujve. Edhe opozita italiane është kundër kësaj sepse sipas tyre nuk e zgjidh problemin e emigracionit, pasi do sillen vetëm ata emigrantë nga anijet që kapen dhe shumë anije arrijnë pa u kapur dhe zbarkojnë në brigjet italiane”, tha ai.
Nga ana tjetër, Beskida Aliaj, drejtuese e Inas Cisl Albania, në një lidhje skype nga Lezha u shpreh se kjo marrëveshje i leverdisë vetëm shtetit Italian.
Sipas saj, qeveria italiane vendosi që të investonte në ngritjen e kampit në Shqipëri pasi, populli Italian u shpreh kundër strehimit të tyre në Itali.
‘Marrëveshja i leverdis Italisë sepse populli Italian ishte kundër kësaj prurje të emigrantëve në Itali dhe po e përcjellim në Shqipëri. Marrëveshja u bë, por unë them se bëhet fjalë për fonde që Shqipëria merr dhe për të rujtuar marrdhënie të mira me Italinë. Italisë nuk i mungon hapësira për ti marr në territorin e vet dhe s’kishte pse të silleshin në Lezhë, por meqënse qeveria hasi kundërshtim nga populli i vet na i kaluan ne dhe Shqipëria e pa si një gjë për të përfituar për edhe nga marrveshja me pensionet në Itali që kishte kohë që kërkohej nga shqiptarëtqë jetojnë në Itali", tha ajo.
Lajme të tjera
-
Aksident në Lezhë, plagoset rëndë drejtuesi i motoçikletës! E përplasi 73-vjeçari me zetor (VIDEO)
17 Dhjetor, 15:45 -
Lezhë/ Hashash e thika në shkolla, shumë zhurmë pak denoncime! Drejtori i shkollës: Prindërit thonë 'pse na shqetëson!'
17 Dhjetor, 14:57 -
Rruga nacionale Rrëshen-Burrel e pakalueshme nga gropat dhe rrëshqitjet e tokës, nuk mirëmbahet nga ARRSH-ja! Kryebashkiaku: Kërkojmë investim nga Qeveria
17 Dhjetor, 14:41
-
Marrëveshja për emigrantët në GJED, Meloni i kërkon Gjyqtarëve të BE-së të hedhin poshtë kundërshtimet për kampin në Gjadër
17 Dhjetor, 13:26 -
Murtaja Afrikane e Derrave në Shëngjin, del nga karantina pas 21 ditësh zona e Malit të Rrencit! Ministria: Nga 25 nëntori s'ka asnjë rast të ri
16 Dhjetor, 15:31 -
‘Asnjë hap pas!’ Meloni-Opozitës: Gjadri do funksionojë, edhe nëse fle atje çdo natë! Marrëveshja e emigrantëve, ‘tmerri' i trafikantëve (VIDEO)
15 Dhjetor, 17:18 -
Krijohet Betlehemi në Lezhë, simboli i Krishtlindjeve vjen për herë të parë në këndin e festave
15 Dhjetor, 08:56
-
Pësoi arrest kardiak, humb jetën në spital i dënuari për dhunë në familje (EMRI)
13 Dhjetor, 22:11 -
Berisha me grupet e punës në Lezhë për zgjedhjet 2025: Çmime janë trefishuar dhe kanë tejkaluar Gjermaninë e Italinë, shpopullimi i vendit në 40%
11 Dhjetor, 16:05 -
Artistët e folkut mblidhen në Lezhë për Festivalin Folklorik Tipologjik të Rapsodeve dhe Instrumentisteve, marrim pjesë në garë 18 grupe
11 Dhjetor, 15:52
-
Lezhë/ I riu përplas me makinë 68-vjeçarin në rrugë, i moshuari dërgohet në spital! Policia shoqëron 19-vjeçarin
11 Dhjetor, 15:20 -
Përmbytet kopështi “Besëlidhja” më i madhi në Lezhë, fëmijët përcillen në shtëpi! Godina u rikonstruktua 5 vite më parë, kushtoi 50 milionë lek
11 Dhjetor, 08:42
