POP 5

Lajmet më të lexuara të 5 minutave të fundit

Sociale

Emigrimi, Ipeshkvi i Shkodrës: Qeveria të garantojë jetë cilësore për shqiptarët që të mos heqin dorë nga atdheu

Teksa njoftoi se e dielën e parë të shkurtit do të kremtohet, Dita për Jetën, Imzot Angelo Massafra theksoi se “njerëzve duhet tu jepet ndihmë konkrete".

“Emigrimi, rënia e numrit të lindjeve e nga ana tjetër abortet e shumta, po sjellin plakjen e popullsisë. “Me këtë trend Shqipëria do të kalojë nga kombi më i ri në Evropë në kombin më të vjetër”. Kështu u shpreh Imzot Angelo Massafra, Arqipeshkv i Metropolit Shkodër-Pult gjatë një deklarate për mediat. Ai i bëri thirrje qeverisë të të krijojë struktura që garantojnë një jetë më cilësore për shqiptarët.

Teksa njoftoi se e dielën e parë të shkurtit do të kremtohet, Dita për Jetën, ai theksoi se “njerëzve duhet tu jepet ndihmë konkrete pasi çdo ditë e më shumë janë duke u rritur rastet e vetëvrasjeve, numri i aksidenteve rrugore, të shkaktuara nga mospërfillja e rrezikut, gjë që tregon se sa pak e vlerësojmë jetën tonë dhe atë të të tjerëve”.

Ipeshkvi i Shkodrës u ndal tek plagët sociale që po çojnë në plakjen e popullsisë.

“Gjithë kësaj i shtohet praktika e neveritshme e abortit, që është vrasje e mirëfilltë Duhet të kemi parasysh se Shqipëria po përjeton një rënie të fortë demografike për shkak të shpopullimit, për mungesën e lindjeve dhe për aborte te shumta; dhe me ketë trend Shqipëria do te kaloi nga kombi më i ri në Evropë në kombin më të vjetër.

Në fund të deklaratës, Massafra u drejtoi një mesazh qeverisë.

“Atyre që kanë përgjegjësinë në jetën shoqërore, politike, ekonomike dhe shëndetësore të këtij kombi, u bëj ftesën që të krijojnë struktura që garantojnë një jetë më cilësore për shqiptarët, në mënyrë që ata të mos detyrohen të heqin dorë nga atdheu, nga të dashurit e tyre apo, madje, edhe të heqin dorë nga jeta e tyre”.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Pse po tërhiqen kandidatët e Partisë Demokratike?

Lajme të tjera



×

Lajmi i fundit

Euro 2024/ Zhgënjen Kosova përballë skuadrës modeste, Zvicra me pikë të plota, Skocia ‘gjunjëzon’ spanjollët

Euro 2024/ Zhgënjen Kosova përballë skuadrës modeste, Zvicra me pikë të plota, Skocia ‘gjunjëzon’ spanjollët

28 Mars, 22:54