Për Edi Ramën vjelja e mendimit të grupit parlamentar socialist përmes tre propozimeve me zarfe të mbyllura ishte një risi.
Më shumë se sa një risi u duk si një ushtrim politik për të testuar perceptimin e deputetëve për proces-zgjedhjen e kreut të ri të shtetit.
Kanë kaluar 22 ditë nga koha kur zarfet me propozime u administruan por asnjëherë nuk u bënë publik preferencat e deputetëve socialist.
Kjo e veshi me mister këtë proces i cili u zbeh më pas, nga Edi Rama kur tha se kandidati për president, nuk do të jetë nga radhët e grupit parlamentar të PS.
Gazetari Top Channel, Muhamed Veliu nga dy burime brenda në PS në dijeni të dokumentit përmbledhës të propozimeve mëson se deputetët socialist kanë prodhuar një surprizë e cila ka habitur edhe vetë kryetarin e partisë së tyre.
Disa deputetë kanë propozuar Edi Ramën për të qenë ai pasardhësi i ish mikut të tij tashmë armik, Ilir Meta.
Deklarimet e shpeshta se ka ardhur koha për një presidente grua, janë reflektuar edhe në propozimet e socialistëve.
Nga ky proces propozues figura më e votuar është Mimi Kodheli aktualisht kryetare komisionit për politikën e jashtme, një ish bashkëpunëtore e hershme e Ramës, kur ai drejtonte Bashkinë e Tiranës e më pas në mandatin e parë të qeverisë Rama ministre e Mbrojtjes.
Zonja Kodheli u vendos e 21-ta në listët e kandidatëve të Tiranës në zgjedhjet e 2021 duke mos fituar por lënia e mandatit nga Najada Çomo e riktheu atë në parlament.
Si preferencë të dytë më e votuar deputetët socialist dëshironin të shikonin në presidencë kryetaren e kuvendit Lindita Nikolla, ish ministre e Arsimit e cila si drejtuese politike e partisë qetësoi acarimet e përçarjet e socialistëve të Lezhës.
Dy nga 74 deputetët socialist, kanë propozuar për president kreun e grupit parlamentar socialist Taulant Balla.
Por dy më të promovuarit nga Rama pas zgjedhjeve të 25 Prillit, Arben Ahmetaj zëvendës kryeministër dhe ministër për Rindërtimin së bashku me sekretarin e ri të përgjithshëm të PS, Damian Gjiknunuri kanë marrë zero propozime nga kolegët e tyre deputetë.
Deputetët socialist kanë propozuar edhe emra jashtë shtëpisë së tyre politike.
Njëra prej tyre ish ministrja demokrate e Integrimit Europian, Majlinda Bregu e cila aktualisht është sekretare e përgjithshme e Këshillit të Bashkëpunimit Rajonal./TCH
Lajme të tjera
-
Java e fundit e Kuvendit, PS e opozita në limite për ndryshimet e Kodit Zgjedhor! Palët ende në diskutime
22 Korrik, 21:30
-
Zgjedhjet e 4 gushtit në Himarë, 8 parti për 2 kandidatë! PS garon e vetme, PD me koalicion partish opozitare
22 Korrik, 11:08
-
Punimet për ndërtimin e Unazës së Madhe të Tiranë, pamjet me dron! Rama: Krijon akses me çdo portë hyrëse dhe dalëse në kryeqytet
22 Korrik, 10:45 -
Vijon puna në aksin Shëngjin-Velipojë, Rama: Siguron lidhje të shpejtë mes dy plazheve të mëdha të Veriut
21 Korrik, 09:11 -
Rama: Qilimi i gurtë i mirëseardhjes në Gjirokastër, drejt përfundimit
20 Korrik, 10:18 -
Një copëz parajse bujqësore e mbjellë me luledielli... pamje mahnitëse nga fushat në Lushnjë
20 Korrik, 09:31 -
Në shtator nis pilotimi i sistemit 'dual', Rama: Bizneset do të paguajnë për trajnimin e nxënësve! Jo t’i trajtojnë si shërbëtorë! Arsimi profesional sipas modelit gjerman e zviceran
19 Korrik, 14:35 -
Rama: Shqipëria do të mikpresë vitin tjetër Samitin e Komunitetit Politik Europian! Fakt kuptimplotë i pozicionit të ri të vendit në arenën botërore
19 Korrik, 08:08 -
Rama dhe Meloni batuta me njëri-tjetrin në tryezën e liderëve në Britani, kryeministrja italiane: Ky e njeh më mirë se unë politikën
18 Korrik, 17:37 -
Rama kritikon ushqimin anglez: S’kanë faj që kur vijnë në Shqipëri thonë ‘oh sa mirë hahet këtu!’
18 Korrik, 15:46 -
Samiti i Londrës/ Rama takim 'kokë më kokë' me kryeministrin Britanik, diskutim për emigracionin dhe çështjet e sigurisë
18 Korrik, 10:13 -
'Më bukur s'ka në botë', turistët e huaj dhe vendas tregojnë përshtypjet nga Ksamili dhe Saranda: Çmimet janë të arsyeshme
18 Korrik, 08:30
