SHKODËR- Gjin Guri, kultivues droge, i shpëtoi një atentati në malin e Shoshit mbrëmjen e së mërkurës. Ai mbeti i plagosur, ndërsa plumbat e kallashnikovit i morën jetën të atit, Zef Guri 73-vjeç. Ngjarja e rëndë u shënua në zonën e thellë të Dukagjinit, ku nuk hyjnë as makinat. Pista kryesore e hetimeve është konflikti për kultivimin e kanabisit.
Policia e Shkodrës bëri të ditur këtë të enjte se marrë në pyetje katër persona, të cilët më pas janë lënë të lirë. Bëhet fjalë për Martin Qershija, Kujtim Dholla, Çesk Serraj dhe Edmond Nika. Ky i fundit u vetëdorëzua në komisariatin e Shkodrës vetëm pak orë pasi u shpall në kërkim. Nika ka prenteduar se nuk ka lidhje me atentatin ndaj Gjin dhe Zef Gurit, duke ngritur alibinë se mbrëmjen e së mërkurës ka qenë në një ambient me kamera dhe jo në malin e Shoshit.
Megjithatë policia dhe prokuroria e Shkodrës vazhdojnë hetimet duke mbledhur prova e dëshmi, pasi ka dyshime të forta se personat e shpallur në kërkim ishin në konflikt me 43 vjecarin Gjin Gurin për parcelat me kanabis në malin e Shoshit. Kujtojmë se shënjestra e atentatit nuk është një emër i panjohur për drejtësinë. Gjin Guri ka qenë i dënuar me 7 vite burg për kanosje dhe armëmbajtje pa leje.
Në vitin 2015 ka shkëmbyer zjarr me policinë në një aksion anti-kanabis në Dukagjin. Asokohe ai dyshohej si kultivues i kanabisit, dhe për të shmangur kontrollet në parcelat e tij, qëlloi drejt helikopterit të policisë. Ndërsa në 15 nëntor të vitit 2021, në lokalin e tij në Malin e Shoshit u vendos tritol.
Policia e Shkodrës ka lënë të lirë 4 personat e shoqëruar lidhur me vrasjen e Zef Gurit dhe plagosjen e të birit, Gjin Guri, pas marrjes së dëshmisë. Edmond Lika, i vetëdorëzuar para autoriteteve, pas lënies të lirë ka deklaruar se nuk ka asnjë lidhje me atentatin. Ai shprehet se në momentin e ngjarjes nuk ndodhej në Dukagjin, ndërsa thekson se albinë e tij e vërteton nga kamerat e sigurisë të ambienteve që ka frekuentuar.
Ai tregon para mediave se ka lidhje familjare me viktimën dhe të birin dhe se nuk ka informacion mbi atentatorët.
“Se di si është kjo histori. Bëhet fjalë për të më akuzuar mua. Jam vetëdorëzuar. Kam deklaruar për ca më kanë pyetur. S’kam asnjë lloj lidhje. Kam nja tre muaj që s’kam qenë në Dukagjin. Jo, çfarë konflikti. Njoh si persona, kam lidhje gjaku”, tha ai para kamerave.
Babë e bir u qëlluan me armë zjarri mbrëmjen e së mërkurës në Dukagjin.
Vetëdorezohet Edmond Nika në policinë e Shkodrës në lidhje me vrasjen e ndodhur mbreme ne Dukagjin.
Nika ka deklaruar në polici se; “Nuk kam lidhje me ngjarjen dhe kam qenë gjithë ditën e djeshme në kamera”.
Mbrëmë u vra Zef Guri, 73 vjeç dhe u plagos djali i tij, Gjin Guri 46 vjeç, i cili ndodhet në gjendje të rëndë shëndetësore në spitalin e traumës në Tiranë.
Kryepolici, Muhament Rrumbullaku ka garantuar qytetarët se do t’i shkohet deri në fund, zbardhjes së 3 atentateve në 48 orët e fundit.
Rrumbullaku siguroi se po punohet intesivisht për të zbardhur 3 atentatet, në Mirditë ku u vra Martin Bardhi, në Durrës ku u vra Ton Dervishi dhe në Dukagjin ku u vra Zef Guri dhe u plagos Gjin Guri (babë e bir).
“Dua të garantoj se edhe për ngjarjet e fundit të ndodhura në Mirditë, Durrës dhe Dukagjin po punojmë për identifikimin dhe kapjen e autorëve. Nga hetimet e deritanishme kemi marrë të dhëna të reja që do të ndihmojnë për të zbardhur për këto ngjarje kriminale.
Janë duke vijuar intensivisht hetimet edhe në kudër të megaoperacionit ‘Tempulli’ .”- tha Rrumbullaku.
Lajme të tjera
-
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Magjia e Krishtlindjeve në Shkodër, qytetarët shijojnë koncertin festiv para Bashkisë
25 Dhjetor, 12:10
-
‘Dhuratë zemre për Krishtlindje!' Gjimnazistët e Yzberishtit festojnë me fëmijët jetimë në Shkodër
25 Dhjetor, 11:06
-
Fushë-Arrëzi dhe Vau i Dejës kremtojnë Krishtlindjet me mesazhe shprese dhe paqe
25 Dhjetor, 11:00 -
Shkodër/ U plagos me armë zjarri, vihet në pranga 24-vjeçari pasi dha kallëzim të rremë! Autori ende në kërkim
25 Dhjetor, 10:58 -
Krishtlindja kremtohet edhe në Shkodër, qindra besimtarë morën pjesë në meshën e vigjiljes
25 Dhjetor, 10:43 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Shkodër/ Plagoset me armë zjarri 24-vjeçari, dërgohet në spital me plagë në këmbë! Policia nis hetimet, shpall në kërkim 22-vjeçarin e dyshuar (EMRI)
23 Dhjetor, 22:02 -
Pamje magjike nga Hajmeli, 250 besimtarë krijojnë skenën e lindjes së Jezu Krishtit! Shfaqja ‘Betlehemi i gjallë’ merr vëmendjen e qindra vizitorëve
23 Dhjetor, 16:04 -
Shkodër/ Po dhunonte të atin dhe e kërcënonte për ta vrarë, policia arreston në flagrancë 29-vjeçarin
23 Dhjetor, 11:10 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Shkodër, i vjedhin në rrugë çantën me 170 000 lekë dhe paketa me cigare, arrestohen hajdutët
20 Dhjetor, 11:13
