Arrestohet biznesmeni trafikant droge, lidhjet politike të 'Titit të Ukës' me PD në Bashkinë e Lezhës

Arrestohet në Lezhë biznesmeni trafiknat i drogës, me poste të mëparshme politike në këtë qytet, i njohur për lidhje me Partinë Demokratike. Astrit Nimani 48 vjeç, i njohur me pseudonimin Titi i Ukës, u arrestua pasi ishte i shpallur në kërkim ndërkombëtar. Gjykata e Milanos e ka dënuar me 13 vite burg për organizatë kriminale në trafikun e drogës. 48-vjeçari pritet të ekstradohet drejt Italisë.

Astrit Nimani është një emër shumë i njohur edhe për drejtësinë shqiptare.

Astrit Nimani

Të gjtiha pasuritë e tij të ngritura kryesisht në Shëngjin, dyshohet t ëkenë ardhur nga veprimtaria kriminale. Për këtë arsye, në vitin 2015, me vendim të Prokurorisë për Krime të Rënda, atij i ishin sekuestruar 230 apartamente banimi në tre pallate në Shëngjin në vlerën rreth 10 milionë euro. Nimani është administrator dhe administrator dhe ortak me 40% i kompleksit turistik “Marina San Giovani Ermiri Palace”, në Shëngjin dhe i regjistruar në Qendrën Kombëtare të Biznesit, në qershor të vitit 2013.

Por angazhimi i tij ka qenë edhe politik. Në vitin 2013, Astrit Nimani ishte anëtar i Këshillit Bashkiak në Bashkinë e Lezhës, nën siglën e Partisë Ora e Shqipërisë, e cila ishte në koalicion me Partinë Demokratike. Ai ishte edhe anëtar i Komisionit të Urbanistikës dhe Programeve të Zhvillimit, nënkryetar i Komisionit të Arsimit Kulturës dhe sporteve dhe anëtar i Komisionit të Ekonomisë dhe Financës në këtë këshill bashkiak.

Astrit  Nimani ka qenë disa herë i dënuar në Itali për trafik të drogës nga Shqipëria drejt shtetit fqinj. Edhe në vitin 2013, ai është arrestuar nga autoritetet serbe në pikën e kalimit kufitar të Merdarës, në kufirin me Kosovën. Nimani arriti të largohej nga territori i Shqipërisë vetëm pak orë para se të shpallej në kërkim nga policia, ku mundi që të kalonte i qetë doganën në Morinë. Ai është ekstraduar në Itali më 20 dhjetor 2013 për të vuajtur dënimin dhënë në mungesë nga gjykata e Milanos (në nëntor 2009) me 7 vite burg për trafik narkotikësh dhe evazion fiskal.

Për shumë vite Nimani nuk është ngacmuar nga policia por edhe nga prokuroria e Lezhës, ndërkohë që drejtësia italiane ka vendime ndaj tij që datojnë që nga vitit 2005. Edhe pse i kërkuar, në 2013 ka mundur të bëhet dhe anëtar i këshillit bashkiak të Lezhës.  

Nuk dihet ende se si Nimani ishte i lirë. Dyshimet janë që ai të ketë përfunduar këtë dënim, të ketë nisur sërish trafikun e drogës dhe gjykata italiane ta ketë dënuar sërish në mungesë duke e shpallur në kërkim.

Pasuritë e vëna nën sekuestro në plazhin e Shëngjinit në vitin 2015:
1-Një godinë 5-katëshe, Hotel-Bar-Restorant, me sipërfaqe totale 7940 m2 
2-Një godinë 13-katëshe, me sipërfaqe totale 5000 m2, 
ku përfshihen: 65 apartamente banimi, njësi tregëtimi dhe garazhe.
2-Një godinë 13-katëshe, me sipërfaqe totale 6500 m2, 
ku përfshihen: 65 apartamente banimi, njësi tregëtimi dhe garazhe.
4-Një godinë 10-katëshe, me sipërfaqe totale 9500 m2, 
ku përfshihen: 90 apartamente banimi, njësi tregëtimi dhe garazhe Parkimi.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Berti: 10/05/2019 11:08

    Sikur te zbatoheshin vendimet e gjykatave italiane do ishte pastruar 60% e shqiperise nga llumi. Te ekstradoheshin dhe sekuestro pasurive qe ta kuptonin se gjysma e jetes dhe parate e krimit nuk i gezon dot. Gjykatat shqiptare jane te koruptuara, mjafton te sillni nder mend rastin e Ben Qimes dhe Kajollit te Mediut ne Fier, As ekstradim dhe as sekuestrim pronash. Te na rrojne gjykatat italane se per shqiptaret kemi matre fund.

    Përgjigju
  • Macoku: 10/05/2019 10:00

    Ahahhahahahah e ka ba iher ket burg ska nje vit qe ka dal nga burgu italis thjesht ky esht nje shou i policis shqiptare me i marr ca lek

    Përgjigju
  • Sondazhi i ditës:

    A jeni dakord që personat e së njëjtës gjini të martohen ligjërisht?



×

Lajmi i fundit

Durrës/ 24-vjeçari plagoset me armë zjarri, paraqitet në spital! Rrethanat e paqarta

Durrës/ 24-vjeçari plagoset me armë zjarri, paraqitet në spital! Rrethanat e paqarta