Enigma/ Makina e Patozit në
prokurori, largoi Shkëlzenin 

Shkëlzen Berisha djali ish kryeministrit Sali Berisha pranoi se dha një dëshmi mbrëmjen e të enjtes, përpara prokurorëve që po hetojnë privatizimin e OSSH nga CEZ. Në sqarimin e tij përmes Facebook Shkëlzen Berisha shkruante se: “Menjëherë pas shpalljes kryeprokuror dhe kryegjykatës i përkohshëm i Shqipërisë, Edi Rama, dërgoi një flluske thirrje te re, me shpresën se do mund ta përdorë si gjethe fiku për te mbuluar lakuriqësinë e tij, te damkosur nga skandalet, vjedhjet, korrupsioni dhe droga”.

Dëshmia e Shkëlzen Berishës dhënë mbrëmjen e të enjtes u tentua të mbahej e fshehtë nga prokurorët e çështjes larg vëmendjes së publikut dhe medias. Megjithatë Report TV ekskluzivisht mundi të filmojë atë që ndodhi në prokurorinë e Tiranës në harkun kohor 18:00 deri në ora 19:30. Fakti më interesant lidhet me largimin e Shlëlzen Berishës nga prokuroria.

Pamjet ekskluzive të Report TV kanë fiksuar këtë makinë tip BMË me xhama të errët, që hyn për pak minuta në prokurorinë e Tiranës dhe del menjëherë. Përmes saj është larguar Shkëlzen Berisha duke mos përdorur makinën e tij personale tip benc e cila e çoi në prokurori. Nga verifikimi targës rezulton se kjo makinë BMË është në pronësi të ish-deputetit demokrat Astrit Patozi. 

Mbetet i rrethuar me mister fakti se përse Shkëlzen Berisha duhet të përdorte për tu larguar nga prokuroria makinën e Patozit.  Dhe mbi te gjitha: kjo lidhje midis Patozit dhe familjes Berisha ka qenë rastësore apo tregon edhe nje afrim politik? Në këto vitet e fundit Astrit Patozi, pavarësisht nga rolet e rëndësishme që ka mbajtur në kupolën e Partisë Demokratike, u rreshtua brenda grupit  ''disidentet'' duke qëndruar shumë afër me Sokol Olldashin.

Kthesa që ka marrë PD pas marrëveshjes së 17 Majit  midis Lulezim Bashës dhe Edi Ramës, dhe përjashtimi i disa figurave historike të PD të vendosura nga Basha duke përfshirë vetë Astrit Patozi, mund ta ketë ndryshuar pozicionimi politik të tij duke shkaktuar një përafrim prapë në familjen Berisha.

Deri tani nga Astrit Patozi nuk ka ardhur asnjë shpjegim  pse makina e tij ishte në prokurori njëkohësisht me daljen nga prokuroria të Shkëlzen Berishës. Ai fillimisht e ka mohuar që makina ishte e tija duke pretenduar që ishte gjithë ditëm e parkuar. Por pas pamje filmike të transmetuar nga Report Tv që kanë faktuar nëpërmjet targës pronësinë e BMË, Astrit Patozi ka pohuar që nuk ka qenë ai në drejtim të makinës.

d.b/Shqiptarja.com

/Shqiptarja.com

TAG:
• shkelzen berisha