Më shumë se 200 izraelitë janë vrarë nga militantët e Hamasit Kfar Aza, një fshat, 5 km në lindje të Gazas, mes qytetit Netivot dhe Sderot. Mes tyre 40 janë foshnja e fëmijë,  disa prej të cilëve u është prerë koka.

Nga fshati ku ndodhi masakra vijnë imazhet e ushtarëve të cilët mbartin çantat ku janë vendosur trupat e viktimave.

Një masakër që të kujton masakrën në qytetin e vogël të Ukrainës Bucha, ku në prill të 2022 u zbuluan mbi 400 viktimave. Kjo mund të jetë një Bucha e Izraelit. Skena që iu shfaq përballë ushtarëve ishte apokaliptike. Ushtarë vijojnë të nxjerrin kufoma nga banesat ndërsa janë të rrethuar nga shtëpi e makina të djegura.

Masakra ndodhi tre ditë më parë, por vetëm sot ushtria lejoi median të shikonte zonën e sulmit. “Nuk është luftë, nuk është fushë beteje, është masakër. Janë fëmijë, baballarë e nëna që janë masakruar në dhomat e tyre të gjumit”, thotë gjeneralmajor Itai Veruv.

Bilanci pritet të rritet.

“Një tmerr i paimagjinueshëm” thotë një gazetar i televizionit 24 News ndërsa shkruan se “ në fshat ndihet era e vdekjes”.

Sipas ushtrisë, familje të tëra u vranë në shtretërit e tyre. Sipas zëdhënësit të ushtrisë, Masha Michelson, rreth shtatëdhjetë persona kanë hyrë në fshat dhe kanë masakruar banorët.

S.G/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 10/10/2023 22:50

    Këto masakra i ka bër wagneri fashist rus dhe serb fashist nga serbia të të paguar nga Putini.

    Përgjigju
  • Sondazhi i ditës: 8 Prill, 10:55

    Armëpushim dyjavor, a besoni se SHBA-Iran do arrijnë edhe një marrëveshje afatgjatë?

Lajme të tjera