POP 5

Lajmet më të lexuara të 5 minutave të fundit

Politikë

Erion Isai: Projektet që do t’i ngrejnë kokën lart Kolonjës, nga agroturizmi te fshatrat që braktisi PD

Aktori Erion Isai, kandidati i partisë socialiste për Kolonjën ka folur për projektet zhvillimore që ai do të ndjekë gjatë katër vjeçarit të ardhshëm si kryebashkiak.

Erion Isai: Projektet që do t’i ngrejnë kokën lart Kolonjës, nga agroturizmi te fshatrat që braktisi PD

“Kam privilegjin të jem Kolonjar dhe pata privilegjin e dytë nga PS të përfaqësoj qytetin tim të lindjes. Kolonja ka resurse të jashtëzakonshme në aspektin e agroturizimit, turzmit malor që duhen shfrytëzuar më shumë. Në planet e mia të para janë ndërhyrje në politika nxitjeje dhe promovimi të bujtinave dhe agroturizmit”.

Kështu ka deklaruar në një intervistë për ERTV, kandidati i partisë socialiste për Kolonjën, Erion Isai, nga qyteti i Kolonjës, ku ka folur për projektet zhvillimore që ai do të ndjekë gjatë katër vjeçarit të ardhshëm si kryebashkiak.

“Unë do të realizoj subvencionimin dhe mbështetjen me kredi të buta për të gjitha bujtinat që do të sjellin pranë bashkisë fazën e parë të projekteve të fituara nga Ministria e Bujqësisë. Ne do të japim kredi të buta për agroturizmin në fazën e parë të fitimit për bujtina dhe agroturizëm. Ne do të jemi sitemi rregullator për kredi me përqindje të buta interesi. Për 3 vitet e para do të subvencionojmë sigurimet shoqërore dhe shëndetësore për punonjësit në agriturizëm për të nxitur vetëpunësimin dhe ngritur një sistem të drejtë që suporton njerëzit”, tha Isai.

“Objektiv tjetër është ngritja e një marketi të zajreve, do të nxisim vetëpunësimin përmes prodhimeve bio të zonës. Do të subvencionojmë zonjat për marketimin dhe amballazhimin e produkteve bio duke ngritur një system rregullator të grumbullimit dhe shitjes së këtyre produkteve”, shtoi.

Isai u ndal edhe te projektet infrastrukturore, të domosdoshme për zhvillimin turistik të zonës dhe për ndërlidhjen më të mirë të njësive.

“Imediate për Koloonjën është vijimi i lotit të dytë të rrugës nacionale Korçë – Ersekë. Kemi marrë një investim të jashtëzakonshëm si ujësjellësi i qytetit për 24 orë. Do të dalim me një projekt për lidhjen e Ersekës, Leskovikut, me synim lidhjen e pikave turstike të Gërmenjit dhe Shelegurit, dhe më pas të ujërave termale të Leskovikut”, tha kandidati socialist.

Isai e vendosi theksin te zhvillimi i fshatrave që për vite me rradhë janë administruar nga Partia Demokratike, e cila i ka lënë ato në prapambetje të plotë.

“Në Kolonjë kemi trashëguar 6 njësi administrative që për 28 vite janë qeverisur nga PD, dhe aty investimet kanë qënë zero, a thua se janë zona të prapambetura ku nuk bëhet fjalë për ujësjellësa, e as për kanale vaditëse. Do të investojmë aty në kanalet vaditëse. Brenda dy viteve, deri në fushatën e 2021 kemi marrë angazhimin që fjala ujësjellës duhet të jetë zero. Në mendimin tim të administrimit të bashkisë, mendoj që qyteti i Ersekës dhe Leskovikut, të jenë hapësira dinjitoze jetese, por edhe të zhvillohet biznesi i agroturizmit. Ne do të ngrejmë agjencinë e shërbimeve publike që këtu mungon. Me këtë agjenci do të ndërhyjmë në qendrat e fshatrave kryesorë të Kolonjës, janë 6 fshatra që vizitohen shumë dhe ne do i bëjmë dinjitoze si hapësira”, tha Isai. /Lexo.al

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • kico: 24/06/2019 09:52

    Po cfshatra braktisi PD. Ne kolonje ka 80 vjet qe fiton vetem e majta gjithnje. Ky dhe kemishen qe ka veshur e ka me te madhe se i rrine menget e gjata shume. Cfare rakitiku qe eshte. Ike o Erjon kap ndonje lek aty me ndonje tender po te la gje Elisa

    Përgjigju
  • Timmy: 23/06/2019 16:32

    Na hape barkun

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46