Erozioni rrezikon banesat në fshatin Tresh të Lezhës, banorët: Ka ikur një mal, na ka ardhur dheu në rrëzë të shtëpisë! Shembet rruga, 6 familje të izoluara prej 3 muajsh

Banorët e fshatit Tresh të Lezhës prej javësh jetojnë me frikë, për shkak se erozioni po i rrezikon seriozisht banesat. Ata shprehen se ky është një fenomen prezent prej kohësh, por që këtë dimër është shfaqur frikshëm, ku i gjithë shpati i kodrës ka lëvizur.

6 familje kanë mbetur tërësisht të izoluara pasi si pasojë e rrëshqitjes së dherave është shembur edhe rruga që i lidh ata me qe qendrën, në një gjatësi prej 50 metrash

Teksa ngrenë shqetësimin e tyre, banorët shprehen se janë ankuar edhe tek pushteti vendor, por deri tani nuk është marrë asnjë masë.

"Ka 3 muaj që është shemb dhe ka bllokuar 6 familje. Kemi lajmëruar kryetarin e qarkut, kanë ardhur ta verifikojnë dhe kanë thënë kur t'i dali koha do punojnë. Ne me u sëmurë njeri, nuk kemi ku e çojmë. Rrezikohen edhe shtëpitë, na ka ardhur dheu deri në rrëzë të shtëpisë", thotë një banor.

"Kam investuar mbi 8 milion dhe është rrëzuar betoni, e ka marrë mali. Askush nuk ka ardhur askush të na shohë. Rruga ka 3 muaj që është prishur", shprehet një tjetër.

"Problemi i rrëshqitjes së dheut ka qenë në vazhdimësi. Tani janë bllokuar 6 shtëpi. Njëri e pati rregulluar me hekur e beton, por ka rrëshqit përsëri, situata është alarmante", thotë tjetri

Burime nga Bashkia Lezhë bëjnë me dije se e kanë verifikuar situatën në terren dhe po hartohet një plan për të ndërhyre në këtë zonë.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Thirrjet për kursimin e energjisë elektrike, mendoni se zbusin pasojat e krizës energjetike?



×

Lajmi i fundit

Ja kush është autori 24-vjeçar i vrasjes në Sarandë (FOTO)

Ja kush është autori 24-vjeçar i vrasjes në Sarandë (FOTO)