Escobar ndaj akuzave të Kurtit: S’kemi qenë kurrë të vështirë ndaj Kosovës e të butë ndaj Serbisë

Gabriel Escobar, i dërguari  amerikan për Ballkanin Perëndimor, ka thënë se Shtetet e Bashkuara të Amerikës nuk kanë qenë asnjëherë të vështira ndaj Kosovës e të buta ndaj Serbisë.

“Gjithçka që kemi bërë në 90 ditët e fundit dhe 15 vjetët ka qenë në favor të Kosovës. Serbia s’donte që ta njihnim, por ne e bëmë. Serbia s’donte kampanjë njohjesh, por ne e bëmë. Edhe në 90 ditët e fundit, Serbia donte t’i bënim presion Kosovës që t’i shmangë zgjedhjet, ne nuk e bëmë. Donte që të thoshim se zgjedhjet ishin të paligjshme, ne nuk e bëmë. Donte të thoshte se kryetarët ishin të paligjshëm, ne nuk e thamë dhe i njohëm. Sfidoj këdo që të më tregojë se ku kemi qenë të vështirë me Kosovën e të butë me Serbinë”, ka thënë ai duke shtuar se SHBA-ja e ka shtyrë Kosovën në çështjen e Këshillit të Evropës dhe se nga Kosova kërkon “koordinim të ngushtë”.

LEXO EDHE:
Borrell: BE-ja është e shqetësuar për pasojat e ndalimit të dinarit për serbët në Kosovë

“Gjithashtu t’i kuptojë obligimet e veta ndërkombëtare. S’mendoj se kjo është diçka që ne ishim të vështirë ndaj Kosovës. Përkundrazi, e kundërta”, ka thënë Escobar.

Lajmi kryesor:

Drafti i Ramës për Asociacionin, Escobar dhe Lajçak: Propozim serioz! Tensionet në veri të Kosovës kanë potencial të shndërrohen në konflikt rajonal

G.MO/Shqiptarja.com

TAG:
• tensionet ne veri te Kosoves