Escobar takon Bislimin dhe Petkoviç në Bruksel, mbështet BE për gjetjen e një zgjidhjeje! I dërguari i DASH për Ballkani: Tensionet janë shumë të larta, duhen ulur

Zëvendës ndihmës sekretari amerikan për Çështje të Evropës dhe Euroazisë, Gabriel Escobar, të mërkurën u takua në Bruksel me zëvendëskryeministrin e Kosovës, Besnik Bislimi dhe me shefin e zyrës për Kosovën në Qeverinë e Serbisë, Petar Petkoviç.

Escobar, që njëherësh është i dërguar i Departamentit amerikan të Shtetit për Ballkanin Perëndimor, tha se ai po mbështet përpjekjet e Bashkimit Evropian për të gjetur një zgjidhje për situatën e krijuar në veri të Kosovës.

“Prioritet numër një është që të ulen tensionet. Ato janë shumë të larta tash dhe duhet të ulen menjëherë”, tha Escobar.

Zyrtari amerikan tha se duhet që urgjentisht të gjendet zgjidhje për çështjen e targave të automjeteve dhe që palët t’i kthehen dialogut, përmes të cilit do të zgjidhen çështjet e hapura.

Lajmi kryesor:

Veriu i bllokuar prej dhjetë ditësh! Kosova dhe Serbia takohen në Bruksel për diskutime

TAG:
• Gabriel Escobar