Receta

Eskallop viçi me domate nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 16 Maj, 12:15 | Përditesimi: 16 Maj, 12:17

Eskallop viçi me domate

Përbërësit:

800 gr mish viçi kontrafileto
1/2 fç vaj
Pak miell
Galetë e bluar
Vezë e rrahur
8 domate të pjekura mirë
1 qepë e madhe
1 spec i madh
2-3 thelpinj hudhra
8 feta djathë
5 lugë gjalpë
Kripë e piper

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Pasi presim eskallopët në 8 feta, u hedhim kripë e piper, i kalojmë në miell, në vezë të rrahur ku hedhim dhe pak vaj, pastaj në galetë dhe i skuqim në tigan në yndyrë të nxehtë nga të dy anët, sa të marrin ngjyrën e kuqerremtë. Lyejmë me gjalpë një tavë të përshtatshme ku vendosim me rradhë eskallopët dhe sipër tyre vëmë një shtresë me feta domatesh pasi u kemi hequr cipën dhe farëzat. Në vijim presim imët qepën, specin, hudhrat, i trazojmë me kripë e piper dhe i hedhim të përhapura mbi eskallopët që të mbulohen mirë, ndërsa të gjithë sipërfaqen e mbulojmë prapë me feta të holla djathi. E vendosim tavën në pjekje në furrë mesatare sa të marrë ngjyrë të kuqerremtë. Eskallopët i shërbejmë të ngrohtë spërkatur me pak gjalpë.

MC/Shqiptarja.com

TAG: