TIRANË- Nga Asambleja Kombëtare e Partisë Socialiste, Kryeministri Edi Rama ishte i qartë me të gjithë se qeveria nuk do të ishte mburojë për asnjë. Rama theksoi se nuk do të pengonte punën e SPAK në luftën kundër korrupsionit. Kreu i ekzekutivit shpreson që pjesë e kësaj lufte të bëhet edhe SHISH.
‘Nuk ka shans që kjo qeveri dhe parti ta pengojë SPAK-un që të bëjë luftën kundër korrupsionit. Pres që edhe SHISH ti bashkohet kësaj lufte. Pres që SHISH të transformohet, duhet profesionalizëm jo dispanceri e thashethemeve me shkrim.’- tha Rama
Rama ka një përgjigje edhe për ata që e akuzojnë se “i lëshoi”. Sipas tij, i vjen mirë që SPAK dhe drejtësia e re fshinë të gjithë ata që ai i konsideron se kanë punuar në dukje ditën, por kanë vjedhur natën.
‘Unë nuk kam asnjë ndjenjë tjetër, përveç neverisë për këdo që thotë jo po se mbrojti, jo po e lëshoi. Unë qëndroj këtu, jo se nuk më vjen të ndalem në këtë rrugë pa kthim, por siç do njeri që ecën me këmbët e veta dhe djersë, më vjen mirë kur organet tona të drejtësisë e fshijnë nga rruga cilindo që ka punuar me mua ditën në dukje për popullin, dhe natën duke vjedhur pas shpinën time djersën e popullit hipur kalapiç mbi shpinën e PS.’- tha Rama.
Duke iu kërkuar të gjithë socialistëve të mos bien pre e pasurimit në kurriz të të tjerëve, Rama kujtoi amanetet e të parëve, të cilët sipas tij do t’i mbajnë larg çdo hetimi të SPAK dhe paligjshmërie.
‘Mos u a bëni me hile njerëzve! Mos kini frikë nga gabimet e bëra duke punuar drejt e pastër! Mos bëni faje nga ato që merret drejtësia edhe sikur të jeni të bindur se asnjëherë nuk do të merret vesh! Mos bini në kurthin e pasurimit me djersën e të tjerëve! Është haram, nuk është kurrë hallall!’- tha Rama.
Rama tha se të gjithë ata anëtarë, të cilët do të tradhtojnë besimin dhe do të bëjnë korrupsion, do të ndëshkohen. Rama përmendi zhvillimin që kanë marrë qytetet bregdetare të vendit dhe jo vetëm. Ai shtoi se edhe zonat më larg detit, janë përfshirë nga një erë e re e ndryshimit.
Korrupsionin në komisionet e prokurimeve publike, qeveria synon që të luftojë me anë të teknologjisë së fuqizuar nga Inteligjencia Artificiale.
Gjatë fjalës së mbajtur në Asamblenë Kombëtare të Partisë Socialiste, kryetari Edi Rama bëri të ditur se AKSHI është duke punuar ngushtë me skuadrën e platformës Open AI ( që ka zhvilluar Chat GPT), në mënyrë që komisionerët të “nxirren” nga loja.
Në këtë mënyrë, shtoi Rama, ulet numri i atyre që mund të përfundojnë në SPAK, vetëm se nuk janë në dijeni se çfarë po firmosin.
“Ne sot kemi mundësi që jo vetëm ta dëshirojmë sa mirë do ishte ta bënim, por ta bëjmë pse jo brenda këtij mandati, kalimin në një sistem prokurimesh komplet teknologjike. Përmes Inteligjencës Artificiale që i bën të panevojshme të gjithë komisionet e tenderave. Me këtë rast kemi edhe më pak kandidatë për t’u futur në komisione. Dhe më pak që shkojnë përfundojnë SPAK-ërave nga injoranca. Një pjesë e tyre nuk e dinë fare për çfarë kanë firmosur”, tha ai. Në këtë mënyrë, sipas kreut të qeverisë, do t’i kursehen shtetit, kohë dhe fonde.'- tha Rama.
Partia Socialiste ka mbledhur këtë të hënë Asamblenë, ku do të njoftohen edhe ndryshime në Qeveri.
Fjalimin kryesor e ka mbajtur natyrisht Edi Rama, ndërsa në Asamble kanë marrë pjesë edhe figura të tilla si Namik Dokle apo Gramoz Ruçi, që tashmë janë larguar nga PS.
Në fjalën e tij në asamblenë e PS-së, kryeministri Edi Rama ka uruar ish-kryeministrin Fatos Nano që ta kalojë sëmundjen me të cilën po vuan dhe ndodhet në spital
‘I urojmë shërim të shpejtë kryetarit ton Fatos Nano që ta rifitojë lirinë fizike dhe shpirtërore dhe të dalë me shëndet edhe nga burgu i terapisë intensive siç doli nga burgu politik, ku e futi egërsia e kriminale e njërit prej pengmarrësve më të paskrupullt të drejtësisë shqiptare. Mos kini frikë nga gabimet e bëra as nga vendimet e marra. Mos bini në kurthin e pasurimit me djersën e të tjerëve. Është haram nuk bëhet hallall!’- tha Rama.
Mesazhi i kryeministrit Edi Rama para Asamblesë Kombëtare të Partisë Socialiste ka qenë i qartë për të gjithë personat që janë brenda PS-së. Kreu i qeverisë tha se kush shkel ligjin do të ndëshkohet.
“Ndëshkohet kushdo që shkel ligjin brenda dhe jashtë PS. Unë ua kam dhe ua njoh gjithë jetën borxhin dhe mbështetjen që më keni dhënë dhe vazhdoni të më jepni për të kryer me sukses punën tonë për qëllimet e përbashkëta. Është borxh që s’e harroj dhe përpiqen të j’ua kthej duke dhënë gjithçka që mundem e kam për t’ua mbajtur kokën lart. Borxhi im ndaj jush është tjua jap të plotë të gjithë besimin që të bëni sa më mirë detyrën tuaj. Borxhi im ndaj kësaj partie dhe njerëzve që na besojnë dhe mbështesin është të mos ju vërë në pozitë të vështirë duke kërkuar gjëra të paligjshme, duke u urdhëruar të bëni gjëra që janë të paligjshme. Kemi debatuar për gjëra të rëndësishme. Dhe e dinë ata që kanë punuar që ka dalë e imja. Atyre që ju jap besimin të ulen në karrige, secili duhet ti japë partisë dhe mua arsye për të qëndruar aty ku është ulur. S’i kam ndërhyrë ndonjëherë për të bërë punë që nuk duhet”, shtoi kryeministri.
Kryeministri Edi Rama tha se qeveria e tij nuk ka asnjë shans që t’i njohë ndonjë borxh dikujt që hyn në borxh me drejtësinë. Kreu i qeverisë tha se nuk ka shans që kjo qeveri të pengojë punën e SPAK, madje shtoi që kësaj lufte duhet ti bashkohet edhe SHISH.
‘Të hysh në borxh me drejtësinë do të thotë të hysh në borxh me shtetin. Nuk ka rëndësi sa i madh është borxhi por hyn në një borxh që nuk të takon fare të marrësh. Nuk ka shans që kjo qeveri dhe parti ta pengojë SPAK-un që të bëjë luftën kundër korrupsionit. Pres që edhe SHISH ti bashkohet kësaj lufte. Pres që SHISH të transformohet, duhet profesionalizëm jo dispanceri e thashethemeve me shkrim ’- tha Rama.
Më tone të ashpra ka folur kreu i qeverisë Edi Rama sa i takon politikanëve të cilët kanë përdorur flamurin e PS-së për të kryer korrupsion. Kreu i qeverisë duke ju referuar fjalëve që të pak socialistëve që siç tha ai se thonë se ‘Rama të lëshon, Rama s’të mbron’, u shpreh se nuk mund ta përdorin flamurin e PS-së pëë ta përdorur si letër higjienikë e të fshijnë bajgat e korrupsionit.
‘A kam përgjegjësi morale në këtë mes? S’kanë faj që më pyesin për këtë! Ma dëgjoni se janë shumë pak ato socialistë që thonë Rama të lëshon Rama s’të mbron. Kam një përgjegjësi morale. Përgjegjësia ime morale nuk është as të skuqem as të kërkoj ndjesë dhe aq më pak të zmbrapsem, sepse vetëm së bashku mund ta ngjisim Shqipërinë në majën ku e meritojnë shqiptarë. Kur i merr mendjen pushteti dhe paraja, tradhton jo vetëm besimin tim e tuajin, por edhe flamurin shqiptar! Nëse njëri e ka përdorur flamurin e PS-së si maskë për të vjedhur në të tjerët u dashka ta përdorim si letër higjienikë për të fshirë bajgat e korrupsionit! JO JO JO. Përgjegjësia ime morale është mos lërë dy gurë bashkë që drejtësia në Shqipëri të ketë lirinë dhe pavarësinë që i duhet për të ndëshkuar çdo lloj klyshi të atij soji të vjetër politik. Jo se nuk kam asnjë ndjenjë tjetër përveç neverisë kur dëgjoj, jo po se mbrojti jo e lëshon, këdo që ka ngrënë pas shpinës sime, pas partisë e pas një populli të tërë.’- tha Rama.
Nga Asambleja e PS kryeministri Edi Rama ka inkurajuar sërish SPAK dhe institucionet e reja të drejtësisë. Një koment ka pasur edhe për debatet me Greqinë për sa i përket çështjes së kryebashkiakut të zgjedhur të Himarës Fredi Beleri i arrestuar para zgjedhjeve të 14 majit.
"Arsyeja se përse u zgjata për turizmin ka të bëjë me faktin se ky momentum i këtij sektori ka të bëjë me një poshim të madh që askush se mohon që Shqipëria është ngritur në një nivel tjetër. Të gjitha këto do të jenë një stimul për të bërë më shumë nesër dhe jo një stimul për të fjetur mbi dafina. Impakt kanë pasur organet e reja të drejtësisë. Mbledhjen e shkuar iu fola troç me dyer të mbyllura. Dhe u thashë që nuk do të rresht së përsërituri disa gjëra.
Shikoj me kujdes se ç'a po diskutohet sot mes nesh dhe Greqisë, se çfarë pala greke po kërkon prej nesh. Pala greke nuk dëgjon asnjë argument por vetëm këmbëngul. Duhet ta zgjidh siç e mendojnë ata një çështje që organet e reja të drejtësisë kanë marrë vendimet e tyre dhe kanë dhënë vendimet e tyre. S’dua të përsëris çfarë kam thënë për çështjen. S’kemi asnjë debat real për të zhvilluar me palën greke për çështjen e drejtësisë. Kjo qasje e palës greke tregon se raporti i përmbysur i pushtetit tonë politik me drejtësinë po kalon përmes një sprove shumë të fortë. Qasja jonë është e re në historinë e pushteti politik. Për të mos u përzier në punët e organeve të drejtësisë por për ti mbështetur dhe inkurajuar ato pa kushte, në veprimtarinë e tyre agresive kundër korrupsionit krimit të organizuar është një qasje që bie ndesh shumë brutalisht me historinë e tmerrshme të një historie 100 vjeçare.
Ajo histori i ka mësuar njerëzit brez pas brezi. Shumë mendojnë se pushteti politike tërheq prej hunde pushtetin gjyqësor. Sipas këtij mësimi të vjetër ky i fundit fishkëllen penalltinë e shkeljes së ligjit dhe sipas interesit të skuadrës dhe karriges së vetë e gjuan vetë topin e drejtësisë. Shkurt muhabeti mësimi është bëni si themi ne mos bëni si bëjmë ne. Kështu mendojnë edhe ata që u fryjnë në vesh fqinjëve grekë nga larg dhe nga afër, qofshin politikanë me foltore dinjiteti apo me mikrofonë, analistë, ekspertë ligjorë, avokatë të një të arrestuari në flagrancë për blerje votash të cilit i kanë marrë në administrim edhe faqen në facebook ku postojnë për hesat të tyre letrat e tij nga qeveria dhe shkruajnë se ai ndjehet si thoi i një luani. Këta shqipfolësit janë të tërë në të drejtën e tyre, grekët po se po, po këta që ta abuzojnë lirinë e shprehjes sa të kenë fuqi", tha Rama.
Kryeministri Edi Rama ka mbërritur në Asamblenë e PS-së i pashoqëruar dhe me një bllok në dorë.
Ministrja e Bujqësisë Frida Krifca dhe ministrja e Financave Delina Ibrahimaj kanë mbërritur së bashku në mbledhjen e asamblesë së PS-së. Dy ministret përflitet së mund të largohen nga pozicioni i tyre.
Asamblesë Kombëtare të Partisë Socialiste, i është bashkuar edhe ish-kryetari i Kuvendit Gramoz Ruçi i cili është larguar nga jeta politike.
Kryeministri Edi Rama thotë se në mbledhjen e Asamblesë do të paraqesë propozimet për kabinetin e ri qeveritar.
‘Pas pak, në 17.00, fjala ime drejtuar Asamblesë Kombëtare të Partisë Socialiste, propozimi i Sekretariatit të ri Ekzekutiv të partisë dhe paraqitja e propozimeve që do t’i drejtoj nesër Presidentit të Republikës për kabinetin e ri qeveritar! Live edhe në këtë faqe!’- thotë Rama.
Komente
Lajme të tjera
-
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
qente le te lehin karvani te rritet e te ece perpara
PërgjigjuYYYYYYYP XHIXHI! EHH QERRATA O QERRATA.
Përgjigju