EULEX: Do të arrestojmë
personat kyç në korrupsion

PRISHTINE - Menjëherë pas arrestimit të shefit të Task Forcës kundër korrupsionit ne Prokurorine Speciale të Kosoves, Kryeprokurorja e EULEX-it, Jaroslava Novotna, pranon se është më e lehtë të arrestohen si thote ajo, “peshqit e vegjël”, por si synim në mandatin e saj e ka punën në arrestimin e personave kryesor të korrupsionit në Kosove.

Në një intervistë për mediat kosovare, çekja Novotna nuk pranon të flas për raste konkrete, duke e lënë këtë në kompetencë të prokurorëve që merren me ato raste. Por ajo konfirmon se janë duke u hetuar 456 raste, në të cilat po punojnë prokurorët e EULEX-it.

Kërkon kohë për të treguar rezultatet në punën që po bëhet, ndërsa mohon zërat se nuk ka rezultate në katër vjet të funksionimit të misionit.

/rg/shqiptarja.com/