POP 5

Lajmet më të lexuara të 5 minutave të fundit

Sport

Euro 2020, Gjermania e Holanda nuk falin, Belgjika me pike të plota

Gjermania dhe Holanda nuk falin. Të dyja ekipet kanë arritur fitore në ndeshjet  respektive të grupit C në kuadër të eliminatoreve të Euro 2020. Belgjika fiton me goleadë ndaj Skocisë dhe është me pikë të plota ndërsa në barazim ka ngecur Kroacia.

Euro 2020, Gjermania e Holanda nuk falin, Belgjika me pike të plota

Gjermania rikthehet të fitojë  dhe merr kryesimin e grupit C me 12 pikë. Mbrëmjen e djeshme djemtë e Joachim Loeë me vështirësi por fituan 2-0 ndaj Irlandës së Veriut në Belfast. Golat u shënuan në pjesën e dytë fillimisht me Marcel Halstenberg që realizoi një supergol dhe në fund rrjetën e tundi Serge Gnabry.

Holanda vijon me goleadë dhe nuk kishte asnjë problem as ndaj Estonisë të cilën e mundi 4-0 dhe është në rrugë të mbarë për të shkuar në Europian. Dy herë shënoi Ryan Babel dhe nga një gol shtuan Memphis Depay dhe Wijnaldum. 8 gola në dy ndeshje kanë shënuar tulipanët e Koeman që po shkëlqejnë dhe mbajnë vendin e tretë në grup me 9 pikë por kanë një ndeshje më pak.

Pas Italisë e Spanjës me pikë të plota në kualifikueset e Euro 2020 është edhe Belgjika. 4-0 triumfoi Belgjika në Skoci me golat e Lukaku, Vermalen, Alderëeireld dhe De Bruyne. Me 18 pikë e kryeson Belgjika grupin i ndërsa vendin e dytë e mban Rusia që dje i mjaftoi një gol për të mposhtur Kazakistanit.

Në grupin E Kroacia bëri një hap fals pasi barazoi 1-1 në Azerbajxhan. Luka Modric me penallti kaloi  ballkanasit në avantazh  por vendasit barazuan në minutën e 72-të. Kroacia e kryeson grupin me 10 pikë dhe në vend të dytë është Sllovakia që fitoi ndaj Hungarisë./Përgatiti Andi Kapxhiu

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Zelensky: Ukraina nuk do t’i njohë bisedimet SHBA-Rusi në Arabinë Saudite

Zelensky: Ukraina nuk do t’i njohë bisedimet SHBA-Rusi në Arabinë Saudite

17 Shkurt, 17:14