Euro 2020/ Ronaldo theu mallkimin, por Portugalia shënon dy autogola! Gjermania e mposht me përmbysje, 'ringjallen' panzerat

Gjermani ka marrë një fitore tejet të rëndësishme për kalimin e fazës së grupeve. Në ‘Allianz Arena’ të Mynihut ‘panzerat’ ia dolën me përmbysje 2-4 kundër Portugalisë që është kampionë Europe në fuqi edhe pse luzitanët realizuan të parët. Ronaldo zhbllokoi sfidën në minutën e 15, duke thyer edhe një rekord të zi, pasi kurrë më herët nuk u kishte realizuar gjermanëve.

Goli zgjoi të besuarit e Low, të cilët falë presionit detyruan Portugalinë të realizonte dy herë në portën e saj brenda pjesës së parë. Fillimisht autor ishte Dias dhe më pas Guerrero.

Në pjesën e dytë pritej një Portugali më e frikshme, por Gjermania i vrau shpejt shpresat, duke realizuar golin e tretë me Havertz. Nuk u desh shumë për të parë edhe golin e katërt, të realizuar nga Gosens në minutën e 60.

Në vijim Portugalia kishte pak për të bërë, por falë edhe këmbënguljes së Ronaldo shkurtuan shifrat me Jota-n. Në fund të besuarit e Santos marrin një humbje që komplikon shumë çështjen kualifikim, ndërsa Gjermania ‘ringjallet’ pas humbjes me Francën. ‘Panzerat’ aktualisht renditen të dytët në grupin F me po aq pikë sa Portugalia e vendit të tretë, ndërsa kanë një pikë më pak se Franca kryesuese.

Ne.k./xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Shpërthen bombola e gazit, digjet apartamenti në Patos

Shpërthen bombola e gazit, digjet apartamenti në Patos